Tito 3:1 - Xochapa Mixteco

¹ Ta sinaꞌa un nda ñani yo, xiꞌin ná kuꞌva yo na veꞌe ñuꞌu, ya ná xaa toꞌo ni na ndiꞌi na chiñu, na xáꞌnda chiñu nuu yo, án na chiñu naꞌnu ku na, án na chiñu vali ku na, ta ná xaa toꞌo ni ñaꞌa na. Ndiꞌi saa ichí ná koo ndúvi na ya ikan na ya vaꞌa.

Tito 3:1 Mawu Ofanana

San Mateo 22:21

Saa ndi̱kuiin nda, káꞌan nda: ―Naꞌna ra rey César kua, ta kivi ra ikán kua ínuu nuu ya ―káchi nda xiꞌin ra. Saa ndi̱kaꞌan ra xiꞌin nda, káchi ra saa: ―Taxi ndo ya kúu ñaꞌa na chiñu ndaꞌa na chiñu, ta taxi tu ndo ya kúu ñaꞌa Ndioxi ndaꞌa Ndioxi ―káchi ra xiꞌin nda.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

1 Timoteo 2:2

Saa kaꞌan ni ndo xiꞌin ra xaꞌa ndiꞌi ni kúu na chiñu naꞌnu xiꞌin na chiñu vali ya ná kuchiñu koo vaꞌa ni ini yo xiꞌin taꞌan yo, ta ná kandixa ni yo Ndioxi. Saa ná koo vaꞌa ndiꞌi yo xiꞌin taꞌan yo, ná xaa toꞌo taꞌan yo.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.

2 Timoteo 1:6

Xaꞌa ya ñaa kua káꞌan i xiꞌin un ya ná kuniñuꞌu ni un ndee vaꞌa ya ta̱xi Tachi I̱í Ndioxi ndaꞌa un tá kivi chi̱nuu ndaꞌa i xi̱ní un. Täxi un ndiꞌi xaꞌa ya.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

2 Timoteo 2:21

Tá tu ná küni soꞌo un ya sínaꞌa nda vata ikán, saa kua vaꞌa koo un tá kuꞌva íyo ndaꞌa chiñu, ya vaꞌa ni xíniñuꞌu na nuu viko ya íyo veꞌe kaꞌnu ikán. Ta kuꞌva saa ná nduvaꞌa nima yo nuu Ndioxi, ná ndu i̱í yo nuu ra tá kuꞌva kúni mií ra. Ta saa kua vaꞌa kuniñuꞌu ra yoo xaꞌa ndá ka chiñu ya kúni mií ra kuniñuꞌu ra yoo.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Tito 3:14

Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

2 Pedro 1:12

Ta ndóꞌo̱, ta xa xíni ndiꞌi ndo ya yóꞌo̱, ta tuun ni ndíkun ndo ya ndaa ya xa si̱naꞌa na ndóꞌo̱, ni yeꞌe ta ndiꞌi saa ichí síndikaꞌán i ini ndo ya ná ndïndoso ini ndo xaꞌa ya yóꞌó.

Judas 1:5

Ta yeꞌe ra kúni i sindikaꞌán i ini ndo xaꞌa ya xa xíni vaꞌa ndo xaꞌa: Chi Iva yo Ndioxi ta si̱kaku ra na Israel ñuu Egipto, ta sindiꞌi saa si̱ndiꞌi xaꞌa yaa ra naꞌa, na köo ndi̱xiin kandixa ñaꞌa.