Tito 2:5 - Xochapa Mixteco

⁵ ta ná ndikani vaꞌa ini ná unkua vaꞌa ikan ná, ta ná kuu mií ná nima vaꞌa, saa ná kundàà vií ná veꞌe ná, ta vaꞌa ná koo ini ná, saa ná koo ndúvi ná ikan ná ya vaꞌa xiꞌin i̱í ná, ya ná nïꞌi nda iin naꞌa, na köo kándixa tuꞌun Ndioxi ya kaꞌan väꞌa na xaꞌa tuꞌun ra.

Tito 2:5 Mawu Ofanana

Los Hechos 9:36

Ta kivi ikán íyo iin yá kándixa Jesús ñuu Jope náni yá Tabita, ta tuꞌun griego kúni kachi ya Dorcas. Ta nina ya vaꞌa íkan yá, chíndee ni yá na ndaꞌvi.

Los Hechos 9:39

Saa ke̱e nda ikán ndi̱xaꞌan nda nuu ra Pedro ta ndi̱kiꞌin ra kuaꞌan ra xiꞌin nda. Ndi̱xaa nda xiꞌin ra veꞌe yá, nda̱a nda xiꞌin ra piso ni̱nù nuu índuꞌu ikin kuñu yá. Ta iin ndi̱katin ná ndi̱ndoo ndaa xáku ni ná xaꞌa yá. Sínaꞌa ná toto ya si̱kuaꞌa yá ta̱xi yá ndaꞌa ná, tá täꞌan kuvi yá.

ROMANOS 14:16

Vani xíni ndo ya vaꞌa kuxi ndo ku ndiꞌi nuu ñaꞌa, ta vaꞌa xäa nduxa ndo xiꞌin na kuxi na ya, ya ná känaꞌa inka naꞌa xaꞌa ndo veꞌe ñuꞌu.

ROMANOS 2:24

Ndaa ni ndixa káꞌan tuꞌun Ndioxi ya ta̱a na xaꞌa ndo xinaꞌa, chi káꞌan ya: “Xaꞌa ya väꞌa íkan ndóꞌo̱ judío kua, kánaꞌa inka naꞌa, na köo kúu judío xaꞌa Ndioxi”, káchi tuꞌun Ndioxi.

1 Corintios 11:3

Saa kúni i ná kundaa ini ndo, chi Cristo ku xi̱ní xiꞌin nda taa, ta nda taa ku xi̱ní xiꞌin ná síꞌi nda, ta Ndioxi ku xi̱ní xiꞌin Cristo.

1 Corintios 14:34

Tá ndíkitaꞌan ndo xáa kaꞌnu ndo Ndioxi veꞌe ñuꞌu, ta vaꞌa ná koo táxin yuꞌu ná síꞌi ndo, chi köo ichí ya kaꞌan ná, chi ya xíniñuꞌu ikan ná kua xaa toꞌo ná ndóꞌo̱, tá kuꞌva káꞌan mií ley Ndioxi.

Efesios 5:33

Xaꞌa ya ñaa kua ndiꞌi ndóꞌo̱ taa, ta xíniñuꞌu ndo kuꞌvi ni ini ndo kuni ndo yá síꞌi ndo, tá kuꞌva kúꞌvi ini ndo xíni ndo mií ndo, ta saa yá síꞌi ndo, xíniñuꞌu yá xaa toꞌo yá ndóꞌo̱.

Colosenses 3:18

Ndóꞌo̱, ná síꞌi, ná íyo ií, xaa ni̱nu̱ ndo mií ndo ya kandixa ndo ya káꞌan i̱í ndo, chi kuꞌva saa xíniñuꞌu ndo ikan ndo xaꞌa ya ndíkun ndo Tata yo Jesucristo.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.

1 Timoteo 6:1

Saa ndóꞌo̱ ñani yo xiꞌin kuꞌva yo, ndo xáa chiñu xiꞌin ya nduxa, xíniñuꞌu ndo xaa toꞌo ni ndo xitoꞌo ndo, na xáa chiñu ndo xiꞌin ya nduxa nuu ya ná käꞌan väꞌa naꞌa, na köo xíni Iva yo Ndioxi, xaꞌa ra, ni käꞌan väꞌa na xaꞌa tuꞌun ra ya sínaꞌa yo.

Tito 2:4

Saa ná sinaꞌa ná, ná xa váli kúni, ya ná kuꞌvi ini ná kuni ná i̱í ná xiꞌin seꞌe ná,