Tito 2:12 - Xochapa Mixteco

¹² Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

Tito 2:12 Mawu Ofanana

San Mateo 12:32

Saa tu na káꞌan kini xaꞌa yeꞌe ku Taa ra xa̱a ñuu ivi yóꞌó, xaa kaꞌnu ini Ndioxi xaꞌa kuachi na. Sundi ndiꞌi naꞌa na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa na, ni tiempo vitin ni tiempo ya vaxi xäa kaꞌnu ini Ndioxi xaꞌa kuachi na.

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

San Lucas 1:75

Chi ïkan ka yo ya väꞌa, nduu i̱í yo ndiꞌi saa kivi ya koo yo ñuu ivi yóꞌó ―káchi ra Zacarías. Ta saa ndi̱kaꞌan ra xiꞌin ya loꞌo seꞌe ra, káchi ra saa:

San Juan 14:30

’Ta soo uvi ndaa tuꞌun káꞌan i xiꞌin ndo, chi xa vaxi kiti nǎꞌa, kiti xáꞌnda chiñu nuu na ñuu ivi yóꞌó. Ta nda loꞌo köo xáꞌnda chiñu ri nuu yeꞌe.

San Juan 6:25

Saa tá ndi̱xaa na inka ñaꞌñu yuꞌu nduta ñûꞌu, ta ndi̱ndakan tuꞌun na Jesús, káchi na saa: ―Tata Rabí, ¿maa xa̱a un yóꞌó? ―káchi na xiꞌin ra.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

Los Hechos 24:25

Saa ndi̱xaꞌan ra Pablo ndi̱tuꞌun ra xiꞌin na, ndi̱kaꞌan ra ya xíniñuꞌu naꞌa ikan na ya ndaa, ta saa xíniñuꞌu na ndixita na mií na nuu ya väꞌa, chi vaxi kivi ta taxi Ndioxi kuachi xaꞌa ndiꞌi na íkan ya väꞌa, káchi ra. Saa ndi̱ndiꞌvi ni ra Felix ikán saa ndi̱kaꞌan ra xiꞌin ra Pablo káchi ra saa: Vaꞌa kuaꞌan, tá ná kunaꞌa i saa kana i yóꞌo̱ kixi un ndituꞌun ka un xiꞌin i ―káchi ra xiꞌin ra Pablo.

ROMANOS 12:2

Ta köo ndo tá kuꞌva íyo na ñuu ivi yóꞌó, vaꞌa ka nditaxi ndiꞌi ndo mií ndo ndaꞌa ra ná ndinama ra ya xínituni ndo. Ná nduxaa kuꞌva ndíkani ini ndo. Saa kuchiñu ndo kundaa ini ndo, ta xaa súvi ndo ya kúni mií ra, ta saa kua ikan ndo ya vaꞌa, ya ndaa, ya xáa sini ndo ini ra.

ROMANOS 6:12

Täxi ndo kaꞌnda chiñu kuachi ndo nuu ikin kuñu ndo, ta ni xäa súvi ndo ya väꞌa ya kútoo ni ya ikan ya, chi ya ndíꞌi xaꞌa va ku ikin kuñu ndo.

ROMANOS 6:19

Xiꞌin tuꞌun ya vaꞌa kundaa ini ndo xiꞌin ku ya káꞌan i xiꞌin ndo xaꞌa naꞌa na sa̱ta iin ra xáa chiñu na nuu ra. Chi xaꞌa ya kúu ndo na ñuu ivi yóꞌó ta ndíchi ni saa kundaa ini ndo xiꞌin ya. Sundi yachi tá täꞌan kandixa ndo Jesucristo, ta ta̱xi xiꞌin mií ndo ndaꞌa ya väꞌa i̱kan ni ndo ya kini, yakan vitin ta xíniñuꞌu ndo nditaxi ni ndo mií ndo ndaꞌa Ndioxi ya kuchiñu xaa súvi ndo ya vaꞌa, ya ndaa kúni mií ra.

ROMANOS 8:13

Saa chi tá íkan yo ya kúni kuñu yo, ta saa kua ku̱aꞌan yo ichí nuu ndíꞌi xaꞌa yo, kuvi yo. Ta saa ni, tá xiꞌin ndee Tachi Ndioxi síndiꞌi xaꞌa yo ya väꞌa, ya kúni ikin kuñu yo, ta saa kua ndixa kutaku yo nuu Ndioxi.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 7:1

Ta saa ñani mani yo, xa ndi̱kaꞌan Ndioxi xiꞌin yo ya ki̱ndoo ra xiꞌin yo, yakan ná kundaa ni yo mií yo, ná kuxika yo nuu ndá ka ñaꞌa väꞌa, ya xáa yakua ikin kuñu yo xiꞌin ya vaꞌa yo. Ná nditaxi ndiꞌi yo mií yo ndaꞌa Ndioxi, ya xaa toꞌo yo ra, saa kua nduu yo na i̱í nuu ra.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Efesios 1:4

Nda yachi ka tá täꞌan xikoo xaꞌa ñuu ivi vi kua ndi̱kaxin ra yoo tixin Jesucristo ya ná nduu yo naꞌa, na i̱í, na köo nda iin kuachi ku mií nuu ra.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

Colosenses 1:22

xaꞌa ya ndi̱xiꞌi Cristo tá xi̱tikaa ndaa ikin kuñu ra ndaꞌa cruzin kua ndi̱kitaꞌan mani ndo xiꞌin Ndioxi. Saa nda̱sa i̱í Cristo ndóꞌo̱ nuu Ndioxi, ndu̱u ndo naꞌa, na vaꞌa, na köo yakua ka, na köo ka kuachi kúu mií nuu ra.

1 Tesalonicenses 4:7

Saa chi Ndioxi ta ka̱na ra yoo ya kuu yo naꞌa, na i̱í nuu ra, ta köo ndi̱kana ra yoo kundikun yo ra ya ikan yo ya väꞌa nuu ra.

1 Tesalonicenses 4:9

Ta köo xíniñuꞌu ka i kaꞌan i xiꞌin ndo ya kuꞌvi ini ndo kuni taꞌan ndo, saa chi xa mií Ndioxi ku ra si̱naꞌa ndóꞌo̱ kuꞌvi ni ini ndo kuni taꞌan ndo.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

1 Timoteo 6:9

Chi naꞌa, na kúni ndukuika ni ñuu ivi yóꞌó, ta ìyo ni sindaꞌvi ya väꞌa na, saa koyo na nuu kuachi, chi kuaꞌa ni ya väꞌa ndíkani ini na xaꞌa ta ni süvi ya ndáa yáꞌvi kua, takua sítivi na mií na xiꞌin ya, ta xáa na kuaꞌan na ichí nuu ndiꞌi xaꞌa na.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

HEBREOS 8:11

Ta köo ka naꞌa sinaꞌa taꞌan na án na veꞌe na, kaꞌan na xiꞌin ñani na, ya xíniñuꞌu na kuni taꞌan na xiꞌin Tata yo. Saa chi xa ndiꞌi va na kuni taꞌan xiꞌin ra, nda na vali ta kuni taꞌan na xiꞌin ra, saa tu na naꞌnu va.

Santiago 1:27

Sundi ya vaꞌa ni va ku ichí Iva yo Ndioxi, ta ndiꞌi ndóꞌo̱, na ndíkun ra ta ya ndee ni xíniñuꞌu ndo ikan ndo nuu ra kua yóꞌó: Ná chindee taꞌan ndo xiꞌin na ndaꞌví vali, saa ná chindee taꞌan tu ndo xiꞌin ná síꞌi ná ndi̱ndoo ndaa, ta ná chindee ñaꞌa ndo xaꞌa tindoꞌo ya ndóꞌo ná, saa ná kundaa ni ndo mií ndo, ya ná ïkan ndo ya väꞌa taꞌan ya íkan na ñuu ivi yóꞌó.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

2 Pedro 3:11

Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.

1 Juan 2:27

Sundi ndóꞌo̱ ta xa kúu mií ndo Tachi I̱í Ndioxi ya ta̱xi Tata yo Jesucristo ndaꞌa ndo. Ta köo xíniñuꞌu sinaꞌa inka naꞌa ndóꞌo̱, chi Tachi I̱í mií Ndioxi sínaꞌa ndóꞌo̱ xaꞌa ndiꞌi ni kúu ñaꞌa. Ta ya sínaꞌa Tachi ra ku ya ndaa, süvi ya vata kua káꞌan Tachi ra xiꞌin ndo. Ta ndinuꞌu ni ini ndo kundikun vaꞌa ka ndo Tata yo Jesucristo tá kuꞌva sínaꞌa Tachi I̱í Ndioxi ndóꞌo̱.

1 Juan 2:6

Ndiꞌi na káꞌan, ítaꞌan vaꞌa na xiꞌin Jesucristo káchi na, ta xíniñuꞌu na koo na tá kuꞌva ndi̱xiyo mií Jesucristo ñuu ivi yóꞌó.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.

Judas 1:18

Chi nda ikán ta ndi̱kaꞌan nda: “Tá xa ti̱ndaa kivi ya ndiꞌi xaꞌa ñuu ivi yóꞌó, ta koo kuaꞌa ni naꞌa, na kusiki ndaa Ndioxi, ta koo na tá kuꞌva kúni mií na, ikan ni na ya väꞌa kúni mií na”.

El Apocalipsis 14:12

Ta nani ndátun yo kuu saa kua xíniñuꞌu na ñuu Ndioxi, na i̱í, na xáa súvi ni ya xáꞌnda chiñu ra. Xíniñuꞌu na xaꞌa ndee ni ini na, ta tuun ni ná kundaa ini na kuni na Tata yo Jesús ―káchi ya xi̱ni soꞌo i.