Tito 2:11 - Xochapa Mixteco

¹¹ Saa chi Ndioxi ta si̱naꞌa ra yoo ya ndee ni kúꞌvi ini ra xíni ra yoo, yakan ta̱xi ra ichí ndaꞌa yo ya ná kuchiñu kaku ndiꞌi ni kúu yo ñuu ivi yóꞌó.

Tito 2:11 Mawu Ofanana

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Lucas 3:6

Ta saa kuni ndiꞌi na ñuu ivi unkua kuu sikaku Ndioxi na”, káchi ya ta̱a ra Isaías.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:9

Ta ra kúu ñu̱ꞌu̱ ya ndixa sítuun nuu na ñuu ivi, ta xa vaxi va ra ñuu ivi yóꞌó.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

Los Hechos 13:43

Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.

Los Hechos 13:47

Saa chi saa íyo ya ndi̱kaꞌan Tata yo, káchi ra saa: Tá íyo ñu̱ꞌu̱ yeꞌe, saa koo ndo ñuu ivi yoꞌo, nuu na köo kúu judío, chi sinaꞌa ndo na ndóo ndiꞌi saa kúu ñuu ivi ndá kuꞌva kuꞌun na ichí ya ndaa nuu kaku na, káchi Ndioxi ―káchi ra Pablo xiꞌin na.

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

Los Hechos 20:24

Ta nda iin ñaꞌa küvi kasi nuu i xaꞌa chiñu ya íkan i, ni köo ndíꞌi ini i, tá tu kuvi i xaꞌa ra, ta vaꞌa kuvi va i xaꞌa ra. Chi ya ndee ni ndíꞌi ini i xaꞌa kua sixinu i chiñu nuu ra ya ta̱xi ra ndaꞌa i xaa súvi i nuu ra ya ndikuiin i kaꞌan ndoso i tuꞌun vaꞌa xaꞌa ra xiꞌin naꞌa ya ná kundaa ini na ndá kuꞌva kúꞌvi ni ini Ndioxi xíni ra na.

ROMANOS 10:18

Sundi yeꞌe, ndákan tuꞌun i mií i, káchi i, ¿án sana köo ndi̱xini soꞌo na Israel tuꞌun Ndioxi? káchi i. ¡Ta süvi saa íyo ya! Chi xa xi̱ni soꞌo va na ya. Saa chi iin ñaꞌñu nuu tuꞌun Ndioxi ya ta̱a na xinaꞌa, káchi ya saa: Xa ndi̱xita niꞌnu ndiꞌi tuꞌun Ndioxi nuu na ñuu ivi, xa ndi̱xaa tuꞌun ra ndiꞌi ni kúu xaꞌa ñuu ivi, káchi ya.

ROMANOS 5:15

Chi ni köo iin káchi íin ya vaꞌa i̱kan Ndioxi xiꞌin ya väꞌa i̱kan ra Adán. Chi ndiꞌi naꞌa ndi̱xiꞌi xaꞌa kuachi ra Adán. Sundi chee ni ka ya vaꞌa i̱kan iin taa, ra kúu Jesucristo xiꞌin yo. Ndi̱xaꞌvi ni Ndioxi kuaꞌa ni naꞌa ndi̱niꞌi ya vaꞌa nuu ra, ya táxi koo vaꞌa yo xiꞌin ra, xaꞌa ya kúꞌvi ni ini ra xíni ra yoo.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Gálatas 2:21

Xaꞌa ya ikán kua küvi kundasi nuu i ya vaꞌa ndi̱niꞌi uun i nuu Ndioxi, ya kúꞌvi ni ini ra xíni ra yeꞌe. Chi tá tu ya ndi̱kuchiñu ku ley ndasa vaꞌa ya naꞌa, nduu na tá íin naꞌa, na köo ka kuachi kúu mií nuu Ndioxi, ta ni köo ndáa yaꞌvi vi ya ndi̱xiꞌi Tata yo Jesucristo, ndíkuu.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Efesios 2:8

Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

1 Timoteo 1:14

Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

2 Timoteo 1:10

Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.