Tito 1:5 - Xochapa Mixteco

⁵ Tá si̱ndoo i yóꞌo̱ ñuu Creta ya ndíkaa maꞌñu nduta ñûꞌu, ta si̱ndoo i yóꞌo̱ ya sixinu un chiñu ya kúmani ka xinu, ta ndi̱kaꞌan i xiꞌin un ya ndikaxin un taa nda xikuaꞌa tá ñuu, tá ñuu, ya kundiso chiñu nda xiꞌin na veꞌe ñuꞌu.

Tito 1:5 Mawu Ofanana

Los Hechos 11:30

Saa ndi̱xiyo ya i̱kan na, ta ta̱xi na xuꞌun ikán ndaꞌa ra Bernabé xiꞌin ra Saulo, kuaꞌan xiꞌin nda taxi nda ndaꞌa na xikuaꞌa na kándixa Jesús ndóo estado Judea.

Los Hechos 14:23

Ta iin iin ñuu nuu ndi̱yaꞌa ra Pablo xiꞌin ra Bernabé ta xi̱xi suꞌun nda saa ndi̱kaꞌan ni nda xiꞌin Ndioxi xaꞌa na xikuaꞌa ndi̱kaxin nda ya kundaa chiñu na xiꞌin na ndíkun Jesús. Ñaa ndi̱kaꞌan nda xaꞌa na xikuaꞌa ikán xiꞌin Iva yo, ra chee, ra káñuꞌu na.

Los Hechos 2:11

Sava tu yo ke̱e nda Creta ya ndíkaa nda maꞌñu nduta ñûꞌu, ta sava tu yo ke̱e nda Arabia. Ndixa ni vi kuaꞌa ñuu ke̱e yo ta nani xíni soꞌo yo káꞌan na yóꞌó tuꞌun yo. Xíni soꞌo yo káꞌan na yatuꞌun íkan Ndioxi ―káchi nda ikán.

Los Hechos 27:12

Ta köo ndi̱xiin nda ndoo nda Buenos Puertos chi väꞌa ñaꞌñu ikán ndee ni xíka tachi yoo vixin, káchi nda. Xaꞌa ya ikán kua ndi̱kani ini nda kuꞌun nda koo nda ñuu Fenice, nuu xáa barco inka ñaꞌñu Creta. Ta ñuu Fenice kua túvi xíto ndaa ya chi noroeste xiꞌin suroeste, saa íyo nuu vaꞌa kundichi tun barco yoo vixin ñuu ikán, káchi nda.

Los Hechos 27:13

Saa iin ki̱vi xa̱á xíka loꞌo tachi ya ki̱xi chí sur, ñaa xa̱á kúsini nda. Saa ndi̱xita nda kàà vee ya xi̱ñuꞌu ini tikuii, ñaa ke̱ta nu kuaꞌan nu xiꞌin nde. Maꞌñu yuꞌu nduta ñûꞌu xíka nu kuaꞌan nu ndiꞌi yuꞌu rá.

Los Hechos 27:21

Ta ku̱naꞌa ni täꞌan kuxi nde, nda loꞌo yuꞌu ñaꞌa täꞌan kaxi nde. Saa ndi̱kundichi ra Pablo xa̱á káꞌan ra xiꞌin na, káchi ra saa: ―Na taꞌan yo, xa ndi̱kaꞌan i xiꞌin ndo ya käna koo yo chí Creta. Vaꞌa ka ndi̱ndoo yo ikán nda yaꞌa tiempo vixin saa kixi yo, káchi i xiꞌin ndo. Tá ndi̱xini soꞌo ndo ya ndi̱kaꞌan i xiꞌin ndo, ta köo ya kundoꞌo yo, ni ñaꞌa ndïꞌi xaꞌa, ndikuu.

Los Hechos 27:7

Kuekuee kuaꞌan nde, yakan naꞌá ni ndi̱xika nde, ta tuvi ndioxi ndi̱xaa nde yati ñuu Gnido. Saa xíka ka tachi ta köo ndíkuchiñu kiꞌvi nu ñuu ikán. Ñaa ndi̱kiꞌin nu inka ichí ta ndi̱yaꞌa nu nuu xíto ndaa iin ñaꞌñu ñuꞌú íchi Creta nuu köo tachi xíka ni ya xíto ndaa ñuu Salmón.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 14:40

Sundi vívií ikan ndo ndiꞌi ya.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

Colosenses 2:5

Vani köo íyo mií i xiꞌin ndo vitin, sundi ya vaꞌa i ta íyo ya xiꞌin ndo. Ta vaꞌa ni kúni i xaꞌa ya xi̱ni soꞌo i xaꞌa ndo ya ndóo vívií ndo tá kuꞌva kúni mií Ndioxi, ta ndee ni ndinuꞌu ini ndo ndáa ini ndo xíni ndo Tata yo Jesucristo.

1 Timoteo 1:3

Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.

2 Timoteo 2:2

Taꞌan ya xi̱ni soꞌo un ndi̱kaꞌan i tá si̱naꞌa i kuaꞌa ni naꞌa, taꞌan ya ikán kua xíniñuꞌu un sinaꞌa un ñani yo nda ndinuꞌu ni ndíkun Tata yo Jesucristo ta saa ná koo ya sinaꞌa nda inka naꞌa.

Tito 1:12

Tá íyo ya ndi̱kaꞌan iin ra ndíchi ni, ra ñuu mií na Creta, káꞌan ra xaꞌa na, káchi ra soꞌva: “Na ndóo ñuu Creta yóꞌó ku naꞌa, na ndee ni vata, tá íin kiti iku saa íin na, kini ni xíxi na, ta ndee ni kini xúxan na”.