Tito 1:3 - Xochapa Mixteco

³ Ta vitin ku nuu ndi̱xinu kivi ya ndi̱naꞌa Iva yo Ndioxi ra síkaku yoo, ndi̱naꞌa ra tuꞌun vaꞌa xaꞌa Tata yo Jesucristo nuu ndiꞌi naꞌa. Xaꞌa ya ikán kua ti̱ꞌvi ra yeꞌe ya kaka i kaꞌan ndoso i tuꞌun ra xiꞌin naꞌa.

Tito 1:3 Mawu Ofanana

San Marcos 1:15

Ta ya káꞌan ra xiꞌin na kua yóꞌó: ―Vitin kua ti̱ndaa tiempo, ta xa ku̱yati ni ya xa̱á Ndioxi kaꞌnda chiñu ra nuu na ñuu ivi yóꞌó. Yakan kuni soꞌo ndo ya káꞌan i xiꞌin ndo, ta xinu ini ndo ndiko koo ndo nuu Ndioxi, ta kandixa ndo ya vaꞌa yóꞌó ―káchi Jesús xiꞌin na.

San Marcos 13:10

Chi ndiꞌi ni kúu na ñuu ivi xíniñuꞌu kundaa ini xaꞌa tuꞌun vaꞌa xaꞌa i, saa kua ndiꞌi xaꞌa ñuu ivi yóꞌó.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

San Lucas 1:47

Saa kúsini ni ya vaꞌa i xiꞌin Iva yo ra síkaku yoo.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 17:26

’Mií Ndioxi ikán ku ra si̱kuaꞌa taa núnu̱ú, saa ku̱u nuu xi̱koo taa nuu xiꞌin seꞌe ra tin seꞌe ñani ra, ta tixin na ikán ka̱ku tu yo va. Ñaa xi̱koo ndiꞌi yo ñuu ivi yóꞌó. Ta chi̱tuni Ndioxi ya koo yo ndiꞌi kúu ñuu ivi, ñaa chi̱tuni ra ndá ñaꞌñu ku nuu koo iin iin yo ta ndisaa kuiya koo yo ñuu ivi yóꞌó.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

ROMANOS 16:26

Vitin táxi Ndioxi ya kundaa ini naꞌa xiꞌin tuꞌun ya ta̱a nda profeta, nda ndi̱kaꞌan ndoso tuꞌun yuꞌu Ndioxi xinaꞌa. Saa chi Ndioxi, ra táku ndiꞌi saa kivi, ta kúni ra ná kundaa ini ndiꞌi ni kúu naꞌa, na köo kúu judío xaꞌa tuꞌun ra. Saa kuchiñu na kandixa ni na ra, ta xaa súvi na ya káꞌan ra.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

Efesios 1:10

Ta ya ndi̱xiyo sěꞌe ikán kua kuu tá ná tindaa kivi ya sikitaꞌan ndiꞌi Ndioxi ñaꞌa ya chi̱tuni ra xaa súvi ra, ta saa kua nditaxi ndiꞌi ra ndivi xiꞌin ñuu ivi yóꞌó ndaꞌa Cristo, ya kaꞌnda chiñu ra nuu ya.

Efesios 2:17

Chi tá kivi ki̱xi ra ta ndi̱kaꞌan ndoso ra tuꞌun vaꞌa ya koo vaꞌa ni ini ndóꞌo̱ ndi̱xiyo xíka ni nuu ra, xiꞌin ndeꞌe ndi̱xiyo yati ni nuu ra.

Filipenses 1:13

Chi ndiꞌi nda lapa, nda ndáa veꞌe kàà yóꞌó xiꞌin ndiꞌi ka naꞌa, kúndaa ini na xaꞌa i ya núꞌni i xiꞌin cadena yóꞌó xaꞌa ya xáa chiñu i nuu Jesucristo.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

1 Tesalonicenses 2:4

Chi mií Ndioxi ku ra xi̱to ndoso ndeꞌe, ta xi̱ni ra kuchiñu nde xiꞌin chiñu ya ta̱xi ra ndaꞌa nde ya kaꞌan ndoso nde tuꞌun vaꞌa xaꞌa ra xiꞌin naꞌa. Ta ndeꞌe, ta köo íkan nde ndá ka ñaꞌa ya xaa sií nde ini na ñuu ivi yóꞌó, sundi íkan nde ñaꞌa ya xaa sií nde ini Ndioxi, chi mií ra ku ra xíto ndoso nima ndiꞌi yo án ya vaꞌa kua, án süvi ya vaꞌa kua.

1 Timoteo 1:1

Yeꞌe Pablo, ra xíka chiñu nuu Tata yo Jesucristo, ra ti̱ꞌvi Ndioxi vaxi sikaku yoo xiꞌin suvi mií Tata yo Jesucristo, ra ndinuꞌu ni ndáa ini yo.

1 Timoteo 1:11

Ta naꞌa, na íkan ya väꞌa, ta köo íyo yuꞌu na xiꞌin tuꞌun vaꞌa ya ndaa, ya luvi ni sínaꞌa yo, chi mií Ndioxi ra vaꞌa ni ku ra ta̱xi chiñu ikán ndaꞌa i ya kaꞌan ndoso i ya xiꞌin naꞌa.

1 Timoteo 2:3

Tá tu íkan yo saa ta vaꞌa ni íkan yo, ta saa Ndioxi, ra sikaku yoo, ta kusini ni ra xiꞌin yo.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

Tito 2:10

Ta sinaꞌa un na ná sïkuiꞌna na ñaꞌa xitoꞌo na, ya vaꞌa ni kua ndǎku ná xaa chiñu na nuu xitoꞌo na, saa kundaa ini ndiꞌi naꞌa xaꞌa tuꞌun Iva yo Ndioxi, ra síkaku yoo, ya ndee ni vaꞌa luvi tuꞌun ra ya síkuaꞌa na.

Tito 2:13

Saa ná koo yo nani ndátun yo tindaa kivi ya ndee ni chee nuu ndiko koo Tata yo Jesucristo kixi ra ñuu ivi yóꞌó sikaku ra yoo. Chi mií ra ku Ndioxi ra chee ni, ta kusini ni yo xiꞌin ra tá ná ndiko koo ra xiꞌin ndee ya luvi ni yéꞌe̱ kúu mií ra.

El Apocalipsis 14:16

Saa chi̱kaa ra índuꞌu tañu viko ikán i̱chi xiín ni níꞌi ra nuu ñuꞌú, ta xa̱á ra xáꞌnda ra ya xa íyo tuꞌva ndikuiso ra.