Tito 1:15 - Xochapa Mixteco

¹⁵ Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.

Tito 1:15 Mawu Ofanana

San Mateo 15:18

Sundi tuꞌun väꞌa kána koo yuꞌu naꞌa, ta chí nima na kána koo ya. Ta ya yóꞌó ku ya ndása yakua na nuu Ndioxi.

Los Hechos 10:15

Saa xi̱ni soꞌo tuku ra táchí na ichí uvi káꞌan na xiꞌin ra, káchi na saa: ―Kiti xa nda̱sa yaa Ndioxi ta käꞌan un xaꞌa ri yakua ri ―káchi tachi na xiꞌin ra.

ROMANOS 14:14

Tá kúu yeꞌe, ta xíni i köo ñaꞌa xíxi yo yakua nuu Ndioxi, ya vaꞌa ku ndiꞌi ya. Ta yeꞌe ndíkun Tata yo Jesús ku i ta kúndaa vaꞌa ini i vaꞌa kuxi yo ndiꞌi ya. Sundi tá íyo naꞌa káꞌan, küvi kuxi yo sava ñaꞌa chi ya väꞌa ku ya nuu Ndioxi, káchi na, ta vaꞌa ná küxi na ya, tá tu saa ndíkani ini na.

ROMANOS 14:20

Kuenta ni koo ndo, koto ka sindiꞌi xaꞌa ndo chiñu Ndioxi xaꞌa ñaꞌa ya xíxi ndo. Ya vaꞌa ni kuxi ndo ku ndiꞌi va ya, sundi ïkan ndo ñaꞌa ya táxi koyo na taꞌan ndo nuu kuachi xaꞌa ñaꞌa ya xíxi ndo.

ROMANOS 14:23

Saa ni sava na, tá köo kúndaa teꞌe ini na xaꞌa ñaꞌa xíxi na, ndíkani uvi ini na xiꞌin ya, ta saa ni xíxi na ya. Ta ndiꞌi naꞌa íkan ndá ka ñaꞌa, tá tu xíka uvi ini na xaꞌa ya íkan na, ta väꞌa chi ndíkundiso na kuachi nuu Ndioxi xaꞌa ya köo iin ndíkani ini na.

1 Corintios 10:23

Ya ndaa kua saa káꞌan sava ndo: Ya vaꞌa ni ikan yo ku ndiꞌi va ya, káchi ndo, ta süvi ndiꞌi ya ku ya vaꞌa ikan yo. Ya ndaa kua íyo ndíka yo ikan yo ndiꞌi ya kúni mií yo, sundi süvi ndiꞌi ya kúchiñu chíndee taꞌan xiꞌin na taꞌan yo kuaꞌnu na xiꞌin tuꞌun Ndioxi.

1 Corintios 10:25

Ya vaꞌa kuxi ndo ku ndiꞌi va kuñu ya kiaꞌvi nuu xíko na kuñu, ta ndäkan tuꞌun ndo mií ke̱e ya, ya ná ndïkani väꞌa ini ndo xiꞌin ya tá xíxi ndo ya.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 8:7

Ta süvi ndiꞌi yo ndíkun Tata yo Jesucristo ku yo xíni xaꞌa ya yóꞌó. Chi sava na ka̱ñuꞌu naꞌna ndioxi ndíi ta xíka uvi ka va ini na tá xíxi na kuñu. Ta ndíkani ini na xiꞌin ya án sana ya ndi̱soko naꞌa nuu naꞌna ndioxi ya ndíi kua káꞌán na. Xaꞌa ya xíka uvi ini na tá xíxi na ya, saa ndúu na tá íin naꞌa, na yáꞌa nuu Ndioxi, túvi na.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.