Tito 1:11 - Xochapa Mixteco

¹¹ Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

Tito 1:11 Mawu Ofanana

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Lucas 20:40

Ta saa xi̱kuiin nda, köo ndi̱keꞌe ka ñaꞌa nda.

San Juan 10:12

Ta iin ra kíꞌin yaꞌvi xaꞌa ya ndáa ra ri, ta süvi sana ra ku ri. Yakan tá xíni ra vaxi kiti ndivaꞌi ta síndoo ndaꞌa ndiꞌi ra ri, saa xínu ra kuaꞌan ra. Ta kiti ndivaꞌi íkan ri ya kúni mií ri xiꞌin levo ikán, saa iin xáta yava taꞌan ndiꞌi ri.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

2 Corintios 11:10

Ta kúndaa teꞌe ini i ya íyo ya ndaa xaꞌa Cristo xiꞌin i, saa kúndaa teꞌe ini i ya nda iin naꞌa küchiñu kindaa ya kúsini ni i, ya kïꞌin i xuꞌun ndaꞌa nda iin ndóꞌo̱ ndóo ñuu Corinto ya ndóꞌni estado Acaya ñaa.

1 Timoteo 5:13

Ta süvi ndisaa ya ñaa kua ikan ná, chi kuni xúxan ná ta xaá ná kaka ná tá veꞌe, tá veꞌe. Ta süvi ndisaa ya xúxan kuni ná, ìyo ni kutoo ná kaka ná ndituꞌun vata ná, ta xáa ná kiꞌvi ná xiꞌin naꞌa, kaꞌan ná ya íin ya köo.

1 Timoteo 5:4

Tá tu íyo ná kuâá ndi̱xiꞌi ndaa, ta íyo seꞌe ná án seꞌe ñani ná, ta na veꞌe ná ikán ku na xíniñuꞌu kundaa ñaꞌa, saa xáa kaꞌnu na Ndioxi xaꞌa ya íkan na saa. Ta saa kua xáa súvi na tá kuꞌva i̱kan iva siꞌí na xiꞌin na, tá íkan na saa ta xáa sií ni na ini Ndioxi.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.

2 Timoteo 3:6

Ta taꞌan nda káꞌan yo xaꞌa yóꞌó ku nda kuakiꞌvi tá veꞌe, tá veꞌe ná ñaꞌa, ná vita ni ini ta síndaꞌvi nda ná xiꞌin tuꞌun káꞌan nda. Ta ná ikán ku ná ndee ni ndíso kuachi xaꞌa ya íkan ná nuu ndiꞌi ya väꞌa ya xáꞌnda chiñu nuu ikin kuñu ná.

Tito 1:7

Saa chi nda kúu xi̱ní xiꞌin na veꞌe ñuꞌu, ta xíniñuꞌu nda ndǎku ni koo ini nda xaꞌa ya ndíso chiñu nda xiꞌin chiñu Ndioxi. Ná chïnuu vaꞌa ni nda tuꞌun nda, ná säa kama ni nda, ná käka nda koꞌo nda, saa ná täva nda kuachi xiꞌin naꞌa, ta ná ïkan nda ndá ka ñaꞌa väꞌa ya kuu mií nda xuꞌun.

Tito 1:9

Xíniñuꞌu nda kuu nda taa, nda ndee ni kándixa tuꞌun ya ndaa ni si̱naꞌa nde. Saa kua vaꞌa xaꞌa nda ndee xiꞌin nda ñani yo tin kuꞌva yo, ta saa sixinu nda ini na köo xíin kandixa vaꞌa.

Tito 3:10

Tá ndá mií na ñani yo, na veꞌe ñuꞌu, kúni taꞌvi taꞌan na ñani yo, ta vaꞌa kaꞌan un xiꞌin na iin án uvi ichí ná ïkan ka na saa. Tá tu köo xíin na xikuiin na ya íkan na saa, ta vaꞌa tava un na ná kana koo na veꞌe ñuꞌu.