San Mateo 9:8 - Xochapa Mixteco

⁸ Tá xi̱ni naꞌa ya ndu̱vaꞌa ra ikán, saa ndi̱kanda ni ini na, ta xa̱a kaꞌnu na Ndioxi xaꞌa ya ta̱xi ra ndee ra ndaꞌa na ñuu ivi yóꞌó.

San Mateo 9:8 Mawu Ofanana

San Mateo 12:23

Ta iin ndi̱kanda ini naꞌa xiꞌin Jesús, saa káꞌan na, káchi na saa: ―¿Án seꞌe ñani sikua ra David, ra ndátun yo ti̱ꞌvi Ndioxi kixi ku ra yóꞌó? ―káchi na.

San Mateo 15:31

Saa ndi̱kanda ni ini na xi̱ni ñaꞌa na xaꞌa ya xi̱ni na xa̱á vaꞌa xíka na köo ndikuvi kaka, ta na kuáa̱ ndi̱xuna nuu na, na meꞌme xa̱á vaꞌa káꞌan na, saa xa̱á na xáa kaꞌnu ndiꞌi na Ndioxi, ra xáa káꞌnu na Israel.

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 9:7

Saa ndi̱koo ra, ndi̱kiꞌin ra xi̱to ra kuanuꞌu ra veꞌe ra.

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!

San Lucas 13:13

Ta saa chi̱nuu ndaꞌa ra sata yá. Tá chi̱nuu soꞌva ra ndaꞌa ra, ñaa ndikun ndu̱ndaku sata yá. Saa xa̱á yá xáa kaꞌnu yá Ndioxi.

San Lucas 17:15

Tá xi̱ni iin ra ikán ndu̱vaꞌa ra, saa ndi̱ko koo ra nuu Jesús káꞌan ra, ndee ni káꞌan ra ya vaꞌa xaꞌa Ndioxi.

San Lucas 17:18

Köo ka nda ndi̱ndiko koo taxi tixaꞌvi ndaꞌa Ndioxi, ndá siin iindaa ra inka ñuu yóꞌó ku ra ndi̱ko koo káꞌan ya vaꞌa xaꞌa Ndioxi ―káchi Jesús xiꞌin na.

San Lucas 18:43

Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.

San Lucas 2:20

Ta saa ndi̱ko koo nda kuanuꞌu nda iku nuu ndóo kiti sana nda, káꞌan nda ya vaꞌa xaꞌa Ndioxi kuaꞌan nda. Ta kúsini ka vi nda kuaꞌan nda xaꞌa ya xi̱ni soꞌo nda ndi̱kaꞌan tatun Ndioxi xiꞌin nda, saa chi tá íyo ya ndi̱kaꞌan tatun ikán xiꞌin nda, saa íyo ya xi̱ni nda.

San Lucas 23:47

Saa xi̱ni ra ínuu nuu iin ciento nda lapa ñuu Roma ya ku̱u, ta xa̱á ra xáa kaꞌnu ra Ndioxi, káchi ra saa: ―Ya ndixa ni kua, ra vaꞌa ni va ku ra yóꞌó ―káchi ra ikán soꞌva.

San Lucas 7:16

Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

San Juan 15:8

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

Los Hechos 11:18

Tá xi̱ni soꞌo na ya ndi̱kaꞌan ra Pedro, ta ku̱taxin yuꞌu na. Ñaa xa̱á káꞌan na ya vaꞌa xaꞌa Ndioxi, káchi na saa: ―Tá tu saa ku̱u, ta kúni kachi ya, nda na köo kúu judío va ta̱xi Iva yo Ndioxi ichí ndaꞌa ya ndiko koo ini na xaꞌa kuachi na, ta saa kutaku na xiꞌin ra ―káchi na.

Los Hechos 21:20

Tá xi̱ni soꞌo na ya ndi̱kaꞌan ra, ta xa̱a toꞌo na Ndioxi. Saa káꞌan na, káchi na saa: ―Ñani yo, xíni mií un kuaꞌa ni mil ku na judío ndi̱kundikun Jesús, ta ndíkundee na káꞌan na ya xíniñuꞌu na xaa súvi na ley ya ta̱a ra Moisés xinaꞌa.

Los Hechos 4:21

Vani si̱ꞌvi ni ñaꞌa na chiñu, sundi köo ya ndi̱kan na xiꞌin nda, sa̱ña ndika na nda kuaꞌan nda. Köo ndi̱kuchiñu na taxi na kuachi xaꞌa nda, saa chi ndiꞌi na ñuu ta káꞌan ni na ya vaꞌa xaꞌa Ndioxi xaꞌa ya xi̱ni na íkan nda.

2 Corintios 9:13

Ndúkuaꞌa naꞌa taxi tixaꞌvi ndaꞌa Ndioxi, chi kíꞌin na kuenta ya xáa súvi ndo tuꞌun vaꞌa xaꞌa Tata yo Jesucristo ya káꞌan ndoso ndo. Ta saa ndúkuaꞌa ni naꞌa táxi tixaꞌvi ndaꞌa ra xaꞌa ya ndee ni vaꞌa chíndee ndo na taꞌan ndo, ta saa chíndee tu ndo ndiꞌi va naꞌa.

Gálatas 1:24

Ta saa xa̱a kaꞌnu ni na Ndioxi xaꞌa ya i̱kan ra xiꞌin i.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.