San Mateo 9:6 - Xochapa Mixteco

⁶ Ta vitin sindaꞌa i ra yóꞌó, ta saa kundaa ini ndo, yeꞌe ku Taa ra kúu mií ichí Ndioxi, ta xáa kaꞌnu ini i xaꞌa kuachi na ñuu ivi ―káchi Jesús xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Kuándikoo, kuanuꞌu veꞌe un, ta ndikiꞌin xito un ná kuꞌun nu xiꞌin un ―káchi Jesús xiꞌin ra.

San Mateo 9:6 Mawu Ofanana

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Mateo 9:2

Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Mateo 9:5

¿Unkua uꞌvi ka kaꞌan i xiꞌin ra küvi kaka yóꞌó: “Án uꞌvi ka kaꞌan i xiꞌin ra ndíkata i kuachi ra, án uꞌvi ka kaꞌan i xiꞌin ra ndikoo ra kaka ra”?

San Mateo 9:7

Saa ndi̱koo ra, ndi̱kiꞌin ra xi̱to ra kuanuꞌu ra veꞌe ra.

San Marcos 2:10

Vaꞌa vitin kuni ndo, yeꞌe ku Taa ra xa̱a ñuu ivi yóꞌó, ta kúu mií i ichí ya xaa kaꞌnu ini i xaꞌa kuachi na ivi ―káchi ra xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa:

San Marcos 2:7

“¿Ndachu káꞌan ra saa? ¿Án Ndioxi ta ndása ra mií ra? Chi káꞌan ra xáa kaꞌnu ini ra xaꞌa kuachi ra yóꞌó. Ta nda iin naꞌa küvi xaa kaꞌnu ini xaꞌa kuachi yo. Iindaa Ndioxi ku ra xáa kaꞌnu ini xaꞌa kuachi na ivi”, káchi nda.

San Lucas 5:21

Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.

San Juan 10:28

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 5:27

Ta ta̱xi ra ichí ndaꞌa Seꞌe ra ya xaa nani ra kuachi naꞌa, xaꞌa ya kúu ra Taa ra xa̱a ñuu ivi yóꞌó.

San Juan 5:8

Saa ndi̱kaꞌan Jesús xiꞌin ra, káchi ra saa: ―Kuandikoo, ta ndikiꞌin un xito un kaka un kuꞌun un ―káchi ra xiꞌin ra.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

Los Hechos 9:34

Saa ndi̱kaꞌan ra Pedro xiꞌin ra, káchi ra saa: ―Tata Eneas, vitin síndaꞌa Jesucristo yóꞌo̱. Kuándikoo, ndaniꞌi un xito un ―káchi ra xiꞌin ra. Tá ndi̱kaꞌan soꞌva ra xiꞌin ra, ta saa ndikun ndi̱koo ra, ndu̱vaꞌa ra.

2 Corintios 2:10

Vaꞌa ná kundaa ini ndo, chi tá xáa kaꞌnu ini ndo xaꞌa kuachi i̱kan ra ñaa, ta saa tu yeꞌe va, xáa kaꞌnu ini i xaꞌa ra, xaꞌa ya i̱kan ra saa xiꞌin ndóꞌo̱ na veꞌe ñuꞌu. Ta nuu Cristo kua íkan i saa, xáa kaꞌnu ini i xaꞌa ra, xaꞌa ya kúꞌvi ni ini i xíni i ndóꞌo̱.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Colosenses 3:13

Ta säa ndo xiꞌin taꞌan ndo, kaꞌnu koo ini ndo xiꞌin taꞌan ndo. Tá ndá naꞌa íkan ya väꞌa xiꞌin ndo ta vaꞌa xaa kaꞌnu ini ndo xaꞌa na, tá kuꞌva i̱kan Tata yo xiꞌin ndo, xa̱a kaꞌnu ini ra xaꞌa ndo, saa ikan ndo.