San Mateo 9:4 - Xochapa Mixteco

⁴ Saa ku̱ndaa ini Jesús ya ndíkani ini nda, ñaa ndi̱kaꞌan ra xiꞌin nda, káchi ra saa: ―¿Ndachu ndíkani väꞌa ini ndo xíni ndo yeꞌe?

San Mateo 9:4 Mawu Ofanana

San Mateo 12:25

Tá ku̱ndaa ini Jesús ya ndíkani ini nda, saa ndi̱kaꞌan ra xiꞌin nda, káchi ra saa: ―Tá íyo iin ñuu nuu köo íyo yuꞌu naꞌa xiꞌin taꞌan na, táꞌvi taꞌan na, káni taꞌan na xiꞌin taꞌan mií na, ta ndiꞌi xaꞌa na. Saa tu tá íyo iin veꞌe nuu táꞌvi taꞌan na, káni taꞌan na xiꞌin taꞌan mií na, ta ndiꞌi xaꞌa va na veꞌe ikán.

San Marcos 12:15

Ta xa ku̱ndaa va ini Jesús nda uvi yuꞌu ku nda, saa ndi̱kaꞌan ra xiꞌin nda, káchi ra saa: ―¿Ndachu kua xíto ndoso ndo yeꞌe? Taxi ndo iin xuꞌun kàà ná koto i nuu ya ―káchi ra xiꞌin nda.

San Marcos 2:8

Ta xa ku̱ndaa va ini Jesús ya ndíkani ini nda, saa ndi̱kaꞌan ra xiꞌin nda, káchi ra saa: ―¿Ndachu kua xíka ini ndo ya köo ichí i xaa kaꞌnu ini i xaꞌa kuachi ra yóꞌó?

San Lucas 11:17

Sundi Jesús ta xa ku̱ndaa ndiꞌi ini ra ya ndíkani ini na, ta saa ndi̱kaꞌan ra xiꞌin na, káchi ra saa: ―Tá íyo iin ñuu nuu kánitaꞌan na xiꞌin taꞌan mií na ta küchiñu na koo vaꞌa na. Saa kundoꞌo tu na íyo iin veꞌe nuu káni taꞌan xiꞌin taꞌan mií va na, síndiꞌi xaꞌa taꞌan mií na.

San Lucas 5:22

Saa ku̱ndaa ini Jesús ya ndíkani ini nda, ta ndi̱kaꞌan ra xiꞌin nda, káchi ra saa: ―¿Ndachu ndíkani ini ndo saa?

San Lucas 6:8

Ta ku̱ndaa ini Jesús ya xíka ini nda, ta saa ndi̱kaꞌan ra xiꞌin taa ra ndi̱ndichi ndaꞌa ikán, káchi ra saa: ―Kuándikoo kundichi maꞌñu ñaa ―káchi ra xiꞌin ra. Ta saa ndi̱koo ra ndi̱kundichi ra.

San Lucas 7:40

Ta saa ndi̱kaꞌan Jesús xiꞌin ra, káchi ra saa: ―Tata Simón, íyo iin ñaꞌa kúni i kaꞌan i xiꞌin un ―káchi ra xiꞌin ra. Saa ndi̱kuiin ra Simón, káchi ra saa: ―Vaꞌa, kaꞌan xiꞌin i Tata Maestro ―káchi ra.

San Juan 16:19

Saa ku̱ndaa ini Jesús ya kúni ndakan tuꞌun ñaꞌa nda ítaꞌan xiꞌin ra. Saa ndi̱kaꞌan ra xiꞌin nda, káchi ra saa: ―¿Án kúni ndo kundaa ini ndo xaꞌa tuꞌun ya ndi̱kaꞌan i xiꞌin ndo: Siloꞌo kivi ta küni ka ndo yeꞌe ta sindiꞌi saa kuni tuku ndo yeꞌe?, káchi i. ¿Án xaꞌa ya ndi̱kaꞌan i xiꞌin ndo ndákan tuꞌun taꞌan ndo xaꞌa?

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 21:17

Ichí uni ndi̱ndakan tuꞌun tuku Jesús ra Simón Pedro, káchi ra saa: ―Simón, seꞌe ra Jonás, ¿án kúꞌvi ini un xíni un yeꞌe? ―káchi ra xiꞌin ra. Ta saa ku̱chiꞌña ni ini ra, saa chi xa ndi̱xinu uni ichí kua ndákan tuꞌun ñaꞌa ra, ¿án kúꞌvi ini ra xíni ñaꞌa ra? Saa ndi̱kuiin ra Simón Pedro, káchi ra saa: ―Tata, mií un ku un xíni ndiꞌi ñaꞌa. Ta xíni un ya kúꞌvi ni ini i xíni i yóꞌo̱ ―káchi ra xiꞌin ra. Saa ndi̱kuiin Jesús káchi ra saa: ―Tá tu saa, ta kundaa levo sana i ―káchi Jesús xiꞌin ra.

San Juan 6:61

Saa ku̱ndaa ini Jesús ya ndíkani ini na, ta ndi̱kaꞌan ra xiꞌin na, káchi ra saa: ―¿Án uꞌvi ni káꞌan tuꞌun ya ndi̱kaꞌan i, túvi ndo?

San Juan 6:64

Sundi íyo sava ndo köo kándixa tuꞌun ya káꞌan i ―káchi Jesús xiꞌin na. Káꞌan ra saa chi nda xaꞌa vi ku̱ndaa ini ra, unku na köo kándixa ñaꞌa, ta ndá taa ku ra nditaxi ñaꞌa ndaꞌa na sáa ini xíni ra.

Los Hechos 5:9

Ta saa ndi̱kaꞌan ra Pedro xiꞌin yá, káchi ra saa: ―¿Ndachu i̱kan ndo saa? Iin káchi chi̱taꞌan tuꞌun ndo xi̱to ndoso ndo Tachi Iva yo Ndioxi. Keꞌe ñaa vaxi nda ndi̱xaꞌan si̱nduxin i̱í un, ta vitin kuꞌun tu nda sinduxin nda yóꞌo̱ va ―káchi ra xiꞌin yá.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.