San Mateo 9:37 - Xochapa Mixteco

³⁷ Saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Tá káa ñaꞌa ya xa ndi̱xinu ni sikee yo, saa íin na yóꞌó, chi xa íyo ndúvi ni na kundikun na yeꞌe. Sundi loꞌo ni ku na xáa chiñu nuu i.

San Mateo 9:37 Mawu Ofanana

San Mateo 20:1

Saa ndi̱kaꞌan Jesús iin tuꞌun ndíchi ya sínaꞌa ra na, káchi ra: ―Tá káa iin ra kúu mií ñuꞌú, saa íyo ichí nuu xáꞌnda chiñu Ndioxi. Saa ku̱u iin kivi ke̱ta ra veꞌe ra, xitaan ke̱e ra kuaꞌan ra nduku ra naꞌa xaa chiñu nuu ñuꞌú ra, nuu ndi̱taan ra yoꞌó kiti uva.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Mateo 9:38

Xaꞌa ya ñaa kua xíniñuꞌu ni ndo kaꞌan ndo xiꞌin Ndioxi, ya ná tiꞌvi ka ra naꞌa, na xaa chiñu ndikuiso na ñaꞌa, ya xa ndi̱xinu ni ―káchi Jesús xiꞌin nda ítaꞌan xiꞌin ra.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

San Lucas 10:2

Ñaa ndi̱kaꞌan ra xiꞌin nda, káchi ra saa: ―Ya ndixa kua íyo ni naꞌa, na kúmani kuni soꞌo tuꞌun Ndioxi. Tá íyo i̱tu̱n ya xa vaꞌa sikee yo, saa íyo na. Yakan kua xíniñuꞌu ndo kuaku ndaꞌvi ndo nuu Ndioxi ya ná tiꞌvi ka ra naꞌa ya chindee taꞌan na xiꞌin ndo ya sikee ndo ñaꞌa.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

Los Hechos 16:9

Ta ñǔu tá ndi̱xaa nda, saa ndi̱xani ra Pablo, xi̱ni ra iin ra estado Macedonia ndíchi ra nuu ra xáku ndaꞌvi ra nuu ra káꞌan ra xiꞌin ra, káchi ra saa: “Ikan ndo ya mani, yaꞌa ndo ñuu nde chindee ndo ndeꞌe”, káchi ra xiꞌin ra, túvi ra ndi̱xani ra.

Los Hechos 18:10

Saa chi yeꞌe ta íyo i xiꞌin un, ta nda iin na küchiñu keꞌe yóꞌo̱ ya xaa nduvaꞌa na xiꞌin un. Kaꞌan tuꞌun i xiꞌin na, saa chi kuaꞌa ni na ñuu yóꞌó ndikundikun ichí i ―káchi Jesús xiꞌin ra.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Colosenses 4:11

Saa tu ra Jesús, ra káꞌan na xiꞌin Justo, tíꞌvi ra tuꞌun mani xaa nuu ndo. Ndisaa nda yóꞌó ku nda ku judío, nda kándixa Jesucristo chíndee taꞌan ni xiꞌin i xáa chiñu nde xaꞌa chiñu nuu xáꞌnda chiñu Ndioxi. Ta vaꞌa ni xáꞌa nda ndee xiꞌin i síndiko ni nda ini i.

1 Timoteo 5:17

Ta ndee ni xíniñuꞌu na veꞌe ñuꞌu xaa toꞌo na ndiꞌi nda ñani yo nda xikuaꞌa nda ndee ni vaꞌa xáa súvi chiñu kúu mií nda veꞌe ñuꞌu. Ná xaa toꞌo ni na nda xaꞌa chiñu íkan nda, káꞌan ndoso nda tuꞌun Ndioxi xiꞌin na saa sínaꞌa nda na.

Santiago 5:4

Ta koto vaꞌa ndo, chi káꞌan kuachi va xuꞌun na xa̱a chiñu tátu nuu ndo ya si̱kuiꞌna ndo, ndi̱kasi ndaa ndo ya, si̱ndaꞌvi ndo na, köo ndi̱chaꞌvi ndo na. Ta ya köo ndíchaꞌvi ndo na ikán kua káꞌan kuachi ni na xaꞌa ndo nda nuu ndivi ndi̱xinu koo ya káꞌan na xaꞌa ndo xiꞌin Iva yo Ndioxi, ra ndee ni ndee kúu mií.