San Mateo 9:36 - Xochapa Mixteco

³⁶ Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Mateo 9:36 Mawu Ofanana

San Mateo 10:6

Ndisaa nuu na judío kuꞌun ndo, saa chi na yóꞌó ta nda tá íyo levo kiti nda̱ñuꞌu nuu xitoꞌo ri, saa íyo na.

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 15:24

Ñaa ndi̱kuiin Jesús, káchi ra saa: ―Ndisaa nuu na ñuu Israel ti̱ꞌvi Ndioxi yeꞌe vaxi i, saa chi na ikán ta tá íin levo kiti nda̱ñuꞌu, saa íin na ―káchi ra xiꞌin nda.

San Mateo 15:32

Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Kúndaꞌvi ni ini i xíni i na yóꞌó, saa chi xa íyo uni kivi ndóo na xiꞌin i ta ni köo ñaꞌa kuxi na. Ta küvi tiꞌvi i na kuꞌun na xiꞌin soko, koto ka kuvi ndiuu na ichí ―káchi ra xiꞌin nda.

San Marcos 6:34

núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

San Marcos 8:2

―Kúndaꞌvi ni ini i xíni i na yóꞌó, chi xa ndi̱xinu uni ví kivi ndóo na xiꞌin i, ta köo ñaꞌa kuxi na.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 5:2

Ta xaꞌa ya kúu sutu ikán ra ivi, ra vita ni ini taꞌan mií yo ivi yóꞌó, yakan vaꞌa kúndaꞌvi ini ra xíni ra naꞌa, na nda̱ñuꞌu, na köo kúndaa vaꞌa ini xaꞌa tuꞌun Ndioxi.