San Mateo 9:33 - Xochapa Mixteco

³³ Saa ta̱va Jesús tachi nduvaꞌa ku̱u mií ra ikán, tá ke̱ta soꞌva ya ta ndikun xa̱á vaꞌa káꞌan ra. Saa ndi̱kanda ni ini naꞌa, ñaa xa̱á na káꞌan na, káchi na saa: ―Nda iin ichí köo taꞌan ya yóꞌó xíni yo ñuu Israel ―káchi na.

San Mateo 9:33 Mawu Ofanana

San Mateo 8:10

Saa tá xi̱ni soꞌo Jesús ya ndi̱kaꞌan ra ikán ta ndi̱kanda ni ini ra. Saa ndi̱kaꞌan ra xiꞌin na ndíkun sata ra, káchi ra saa: ―Ya ndaa káꞌan i xiꞌin ndo, ndiꞌi saa ñuu Jerusalén, ta täꞌan nditaꞌan i iin taa ra kándixa ni Ndioxi tá kuꞌva kándixa ra yóꞌó, ta ni süvi ra Israel ku ra.

San Mateo 9:32

Tá ka̱na koo nda kuáa̱ ikán kuaꞌan nda, saa ndi̱xaa na xiꞌin iin ra meꞌme, ra kúu mií tachi nduvaꞌa.

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Lucas 11:14

Iin kivi táva Jesús tachi nduvaꞌa ya kúu mií iin ra meꞌme. Saa tá ke̱e soꞌva ya ta ndikun xáa̱ vaꞌa káꞌan ra. Ñaa ndi̱kanda ni ini naꞌa tá xi̱ni na xaá vaꞌa káꞌan ra.

San Lucas 7:9

Ñaa tá xi̱ni soꞌo Jesús ya̱ ndi̱kaꞌan nda ikán ta ndi̱kanda ni ini ra. Saa ndi̱ko koo ra ndi̱koto ra nuu na ndíkun kuaꞌan sata ra, ta saa ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, ra yóꞌó ta ni süvi ra ñuu yo Israel ku ra ta ndinuꞌu ni ini ra kándixa ra yeꞌe. Nda iin ndóꞌo̱ ñuu yo Israel yóꞌó köo ndáa ni ini xíni yeꞌe tá kuꞌva kándixa ni ra yóꞌó tuꞌun káꞌan i ―káchi Jesús xiꞌin na.