San Mateo 9:28 - Xochapa Mixteco

²⁸ Saa tá ndi̱kiꞌvi Jesús ini veꞌe ta ndi̱xaa uvi saa nda kuáa̱ nuu ra, saa ndi̱kaꞌan ra xiꞌin nda, káchi ra saa: ―¿Án kándixa ndo yeꞌe kuchiñu i sindaꞌa i ndóꞌo̱? ―Uun, kándixa va nde yóꞌo̱, Tata ―káchi uvi saa nda xiꞌin ra.

San Mateo 9:28 Mawu Ofanana

San Mateo 13:1

Suvi mií kivi ikán ke̱e Jesús veꞌe nuu íyo ra ta ndi̱kiꞌin ra kuaꞌan ra, ndi̱xaa ra ndi̱kunduꞌu ra yuꞌu nduta ñûꞌu.

San Mateo 13:36

Saa nda̱i Jesús naꞌa, ñaa ndi̱kiꞌvi ra ini veꞌe. Saa ku̱yati nda ítaꞌan xiꞌin ra nuu ra, ta ndi̱kaꞌan nda xiꞌin ra, káchi nda saa: ―Tata, ndikani loꞌo un nuu nde unkua kúni kaꞌan tuꞌun ndíchi ya káꞌan xaꞌa iku väꞌa ―káchi nda xiꞌin ra.

San Mateo 13:58

Ta köo kuaꞌa yatuꞌun ndíkan ra xiꞌin na, xaꞌa ya köo ndi̱xiin na kandixa ñaꞌa na.

San Mateo 8:14

Tá ndi̱xaa Jesús veꞌe ra Pedro saa xi̱ni ra índuꞌu yá siso ra nuu xito, ndee ni ndítuvi ya xiꞌin yá.

San Mateo 8:2

Saa ku̱yati iin taa kúu mií kueꞌe táꞌi ñii, si̱kusiti ra nuu ra, saa xa̱á ra káꞌan ra xiꞌin ra, káchi ra saa: ―Tata, tá kúni un ta vaꞌa sindaꞌa un yeꞌe xaꞌa kueꞌe ya ndóꞌo i ―káchi ra xiꞌin Jesús.

San Mateo 9:22

Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Mateo 9:27

Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.

San Mateo 9:29

Saa ti̱in ndaa ra nduchi nuu nda kuáa̱ ikán, ta ndi̱kaꞌan ra xiꞌin nda, káchi ra saa: ―Xaꞌa ya kándixa ndo yeꞌe ta nduvaꞌa ndo vitin ―káchi ra xiꞌin nda.

San Juan 11:26

Tá kúu ndiꞌi na táku, tá tu kándixa na yeꞌe ta nda iin kivi ndïꞌi xaꞌa na. ¿Án kándixa un ya káꞌan i xiꞌin un? ―káchi Jesús xiꞌin yá.

San Juan 11:40

Saa ndi̱kaꞌan Jesús xiꞌin yá, káchi ra saa: ―¿Án su xa ndi̱kaꞌan i xiꞌin un, tá tu kándixa un, ta kuni un ya vaꞌa ikan Ndioxi, káchi i xiꞌin un? ―káchi ra xiꞌin yá.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.