San Mateo 9:22 - Xochapa Mixteco

²² Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Mateo 9:22 Mawu Ofanana

San Mateo 15:28

Ñaa ndi̱kaꞌan Jesús xiꞌin yá, káchi ra saa: ―Nana, ndixa ni kándixa un yeꞌe. Ta xaꞌa ya ñaa xaa súvi i ya ndúku un nuu i ―káchi ra xiꞌin yá. Ta mi hora ikán ndu̱vaꞌa yá loꞌo seꞌe yá.

San Mateo 17:18

Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán.

San Mateo 8:13

Saa ndi̱kaꞌan ka Jesús xiꞌin ra ndíso chiñu xiꞌin nda lapa ikán, káchi ra saa: ―Vaꞌa ndiko koo un nuꞌu un veꞌe un. Xa ndu̱vaꞌa ra xáa chiñu nuu un xaꞌa ya kándixa un yeꞌe ―káchi Jesús xiꞌin ra. Ta mi hora ikán ndu̱vaꞌa ra xáa chiñu nuu ra.

San Mateo 9:2

Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Mateo 9:29

Saa ti̱in ndaa ra nduchi nuu nda kuáa̱ ikán, ta ndi̱kaꞌan ra xiꞌin nda, káchi ra saa: ―Xaꞌa ya kándixa ndo yeꞌe ta nduvaꞌa ndo vitin ―káchi ra xiꞌin nda.

San Marcos 10:52

Saa ndi̱kuiin Jesús káꞌan ra: ―Vaꞌa kuánuꞌu, xa ndu̱vaꞌa nduchi nuu un, chi kándixa un yeꞌe ―káchi Jesús xiꞌin ra. Tá ndi̱kaꞌan soꞌva ra xiꞌin ra, ta saa ndikun ndu̱vaꞌa nuu ra, ñaa ndi̱kundikun ra kuaꞌan ra xiꞌin Jesús.

San Marcos 5:34

Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

San Lucas 17:19

Saa ndi̱kaꞌan Jesús xiꞌin ra, káchi ra saa: ―Kundichi kuáꞌan, xa ndu̱vaꞌa un chi ndáa ni ini un yeꞌe ―káchi Jesús xiꞌin ra.

San Lucas 18:42

Ta saa ndi̱kaꞌan Jesús xiꞌin ra, káchi ra saa: ―Vaꞌa sindaꞌa i yóꞌo̱. Ndáa ni ini un yeꞌe, yakan sindaꞌa i yóꞌo̱ ―káchi ra.

San Lucas 7:50

Ta saa ndi̱kaꞌan ka Jesús xiꞌin yá ikán, káchi ra saa: ―Vitin ndi̱kaku un i̱kán i chi ndáa ni ini un xíni un yeꞌe. Ta kuánuꞌu veꞌe un, käka ka ini un xaꞌa kuachi un ―káchi ra xiꞌin yá.

San Lucas 8:48

Ta saa ndi̱kaꞌan Jesús xiꞌin yá, káchi ra saa: ―Siꞌi, ndu̱vaꞌa un chi ndáa ni ini un xíni un yeꞌe. Ta vitin kuanuꞌu ta kündiꞌi ka ini un ―káchi ra xiꞌin yá.

San Juan 4:53

Saa ndi̱kaꞌán ini ra mií hora ikán kua ndi̱kaꞌan Jesús xiꞌin ra: “Xa ndu̱vaꞌa va seꞌe un”, káchi ra. Ta saa ka̱ndixa ra ikán Jesús xiꞌin ndiꞌi na veꞌe ra.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.

Los Hechos 16:18

Kuaꞌa ka kivi íkan yá saa xiꞌin nde. Ñaa xa̱á sáa ra Pablo xiꞌin yá ta ndi̱ko koo ra ndi̱kaꞌan ra xiꞌin tachi nduvaꞌa kúu mií yá, káchi ra saa: ―Xiꞌin ndee Jesucristo xáꞌnda chiñu i nuu un, vaꞌa keta kuaꞌan ―káchi ra xiꞌin ya. Ta saa ndikun si̱ndoo ñaꞌa ya.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.