San Mateo 9:2 - Xochapa Mixteco

² Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Mateo 9:2 Mawu Ofanana

San Mateo 14:27

Saa kama ni ndi̱kaꞌan Jesús xiꞌin nda, káchi ra saa: ―¡Kündiꞌi ini ndo, chi yeꞌe va ku i, ku ïꞌvi ndo! ―káchi ra xiꞌin nda.

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Mateo 8:10

Saa tá xi̱ni soꞌo Jesús ya ndi̱kaꞌan ra ikán ta ndi̱kanda ni ini ra. Saa ndi̱kaꞌan ra xiꞌin na ndíkun sata ra, káchi ra saa: ―Ya ndaa káꞌan i xiꞌin ndo, ndiꞌi saa ñuu Jerusalén, ta täꞌan nditaꞌan i iin taa ra kándixa ni Ndioxi tá kuꞌva kándixa ra yóꞌó, ta ni süvi ra Israel ku ra.

San Mateo 8:16

Tá ku̱ñuu ta ndi̱xaa kuaꞌa ni naꞌa xiꞌin na kúu mií tachi nduvaꞌa. Saa ndi̱kaꞌan Jesús tuꞌun xa̱ꞌnda chiñu ra nuu tachi nduvaꞌa ikán ya ná kee ya kuꞌun ya, ta ke̱e ya kuaꞌan ya. Saa si̱ndaꞌa ra ndiꞌi na kúꞌvi.

San Mateo 9:22

Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Mateo 9:5

¿Unkua uꞌvi ka kaꞌan i xiꞌin ra küvi kaka yóꞌó: “Án uꞌvi ka kaꞌan i xiꞌin ra ndíkata i kuachi ra, án uꞌvi ka kaꞌan i xiꞌin ra ndikoo ra kaka ra”?

San Mateo 9:6

Ta vitin sindaꞌa i ra yóꞌó, ta saa kundaa ini ndo, yeꞌe ku Taa ra kúu mií ichí Ndioxi, ta xáa kaꞌnu ini i xaꞌa kuachi na ñuu ivi ―káchi Jesús xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Kuándikoo, kuanuꞌu veꞌe un, ta ndikiꞌin xito un ná kuꞌun nu xiꞌin un ―káchi Jesús xiꞌin ra.

San Marcos 1:32

Tá kuaꞌan kúxikuáa, tá xa ndi̱keta ñu̱ꞌù, saa ndáka naꞌa na kúꞌvi xiꞌin na kúu mií tachi nduvaꞌa, ndáka ñaꞌa na ndi̱xaa na nuu Jesús.

San Marcos 10:49

Saa ndi̱kundichi Jesús, ta ndi̱kaꞌan ra xiꞌin na ya ná kuꞌun na kana na ra. Ñaa ndi̱xaꞌan na ka̱na ñaꞌa na, káchi na saa: ―Ndikiꞌin ini un, kundichi koꞌo yo, chi kána Jesús yóꞌo̱ ―káchi na xiꞌin ra.

San Marcos 5:34

Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

San Marcos 6:50

chi ndiꞌi nda xi̱ni ya, yakan ndi̱ndiꞌvi ni nda. Ta kama ni ndi̱kaꞌan ra xiꞌin nda, káchi ra saa: ―Kündiꞌi ini ndo chi yeꞌe va ku i, kuïꞌvi ndo ―káchi ra xiꞌin nda.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 2:25

Köo ndi̱xiniñuꞌu Jesús kuni soꞌo ra ya kaꞌan inka naꞌa xiꞌin ra xaꞌa na ivi yóꞌó, saa chi xa xíni vaꞌa va mií ra ini na.

San Juan 21:5

Saa ndi̱kaꞌan ra xiꞌin nda, káchi ra saa: ―Ñani yo, ¿án xa ti̱in loꞌo ndo tiaka? ―káchi ra xiꞌin nda. Saa ndi̱kuiin nda káꞌan nda: ―Nda iin ri köo ndi̱tiin nde ―káchi nda.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.

Los Hechos 19:12

Sava na ndíso na taꞌan na, na kúꞌvi kuaꞌan na nuu ra Pablo, saa ndíso na toto án paíto na kuaꞌan xiꞌin na nuu ra saa chínuu na ya sata na kúꞌvi ta ndúvaꞌa na ikán. Nda na kúu mií tachi nduvaꞌa ta kée ya na, ndikun ndúvaꞌa na.

Los Hechos 23:11

Saa tá ku̱ñuu ta ndi̱tuvi Tata yo Jesús nuu ra Pablo, káꞌan ra xiꞌin ra, káchi ra saa: ―Xaꞌa un ndee yóꞌo̱ Pablo, ku ïꞌvi un saa chi tá kuꞌva ndíkuiin un káꞌan un xaꞌa i ñuu Jerusalén yóꞌo̱, saa ndikuiin tu un kaꞌan un xaꞌa i ñuu Roma va ―káchi Tata yo Jesús xiꞌin ra.

ROMANOS 5:11

Ta saa ni, süvi ndisaa ya yóꞌó ku ya táxi kusini yo, chi kúsini ni yo, ya xáa kaꞌnu ini Ndioxi xaꞌa yo. Ta xaꞌa ya i̱kan Tata yo Jesucristo xa̱a súvi ra chiñu ya si̱kitaꞌan mani ra yoo xiꞌin Ndioxi, ta vitin ndi̱kundoo vaꞌa yo xiꞌin ra.

Santiago 2:18

Küvi kaꞌan yo xiꞌin taꞌan yo, kachi yo: “Yóꞌo̱ ta ndee ni ndáa ini un xíni un Tata yo, ta yeꞌe ta ndee ni vaꞌa xáa súvi i chiñu vaꞌa nuu ra”, kachi yo. Ta vaꞌa sinaꞌa un ndisaa ya ndáa ni ini un xíni un ra, ta sïnaꞌa un chiñu ya xáa súvi un nuu ra. Sundi yeꞌe ta sinaꞌa i ya ndáa ni ini i xíni i ra xiꞌin chiñu ya vaꞌa ni xáa súvi i nuu ra.