San Mateo 9:16 - Xochapa Mixteco

¹⁶ Tá kúu iin xiyo xa̱á ta köo na ndíkaꞌma ya xiꞌin toto yata, saa chi íyo nduloꞌo ya ta kaꞌnda yaa ya xiyo xa̱á, ta iin ndiꞌi vaꞌa xaꞌa ya.

San Mateo 9:16 Mawu Ofanana

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Mateo 9:17

Ni vinu xa̱á ta köo naꞌa táan rá ini ñii yata, saa chi kuchiñu rá xa̱á kaꞌnda rá ñii yata ta ndiꞌi xaꞌa ya, ñaa kuita ndiꞌi rá. Xaꞌa ya ikán kua xíniñuꞌu naꞌa taan na vinu xa̱á ini ñii xa̱á, saa chi xaꞌa ya xa̱á ya ta kundee ya xiꞌin rá.

San Marcos 2:21

Saa ndi̱kaꞌan ka ra xiꞌin na, káchi ra saa: ―Nda iin naꞌa, ta köo na ndíkaꞌma tikoto xa̱á xiꞌin ya yata. Saa chi tá ná ndikaꞌma na ya xa̱á xiꞌin ya yata, ta sitivi taꞌan ya, tá ná ndikata na ya ta ndindií ya xa̱á ta sitaꞌnda ya yata, ta iin ndiꞌi vaꞌa ka xaꞌa ya.

San Lucas 5:36

Ñaa ndi̱kaꞌan ka ra uvi tuꞌun ndíchi ya sínaꞌa ra nda, káchi ra saa: ―Nda iin naꞌa köo xáꞌnda na iin ñaꞌñu tikoto xa̱á ya ndikaꞌma na toto yata. Saa chi tá ná kaꞌnda na tikoto xa̱á kiku na xiꞌin ya yata, ta sitivi taꞌan ya chi küchiñu ka na kundixi na ya xa̱á, ta ni ya yata väꞌa kunaꞌa ya xiꞌin ya xa̱á.

San Juan 16:12

’Ta íyo kuaꞌa ni ka ya kaꞌan i xiꞌin ndo, sundi vitin ta kündee ini ndo xiꞌin ya tá ná kaꞌan i xiꞌin ndo.

1 Corintios 13:13

Tá kuꞌva káꞌan i saa íyo va ya, sundi uni nuu ya yóꞌó ku mií ya ndïꞌi xaꞌa: ya ndee ni ndáa ini yo xíni yo Ndioxi, xiꞌin ya kándixa yo ya sixinu Ndioxi ya ndi̱kaꞌan ra taxi ra ndaꞌa yo, saa tu ya kúꞌvi ni ini ta̱xi ra ndaꞌa yo. Sundi ya ndee ni ka ndee ndáa yaꞌvi nuu uni ya yóꞌó kúu ya, kúꞌvi ni ini ta̱xi Ndioxi ndaꞌa yo kuꞌvi ini yo kuni yo inka naꞌa.

2 Corintios 9:12

Chi ya táxi ndo ndíso nde kuaꞌan ndaꞌa na, ta süvi ndisaa ya tíꞌvi ndo kuaꞌan ndaꞌa na kua ndíso nde, chi xaꞌa ya chíndee ni ndo na ta ndúkuaꞌa vaꞌa ka naꞌa, na táxi ni tixaꞌvi ndaꞌa Ndioxi.