San Mateo 8:4 - Xochapa Mixteco

⁴ Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Mateo 8:4 Mawu Ofanana

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Mateo 16:20

Saa ndi̱kaꞌan Jesús xiꞌin nda ítaꞌan xiꞌin ra, ya ná käꞌan nda xiꞌin nda iin naꞌa ya kúu ra Cristo ra ti̱ꞌvi Ndioxi vaxi sikaku na ñuu ivi yóꞌó.

San Mateo 17:9

Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa: ―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Mateo 5:17

Saa ndi̱kaꞌan tuku Jesús, káchi ra saa: ―Ndïkani ini ndo ya vaxi i sindiꞌi xaꞌa i ley Ndioxi, án tuꞌun ra ya ta̱a nda ndi̱kaꞌan ndoso tuꞌun yuꞌu Ndioxi xinaꞌa. Växi i sindiꞌi xaꞌa i ya, chi ya vaxi i sixinu ka va i ku tuꞌun ya ndi̱kaꞌan Ndioxi.

San Mateo 6:1

Saa ndi̱kaꞌan tuku Jesús xiꞌin na, káchi ra saa: ―Tá íkan ndo ya vaꞌa kúni Ndioxi, ta kuenta koo ndo täxi ndo kuni naꞌa ya íkan ndo, ta chinuu vaꞌa na tuꞌun ndo nuu inka na xaꞌa ya íkan ndo, chi tá íkan ndo saa ta köo ka ya vaꞌa niꞌi ndo nuu Ndioxi.

San Mateo 9:30

Ñaa ndu̱vaꞌa uvi saa nda, ndi̱xuna nuu nda. Saa ndi̱kaꞌan Jesús xiꞌin nda, káchi ra saa: ―Kuenta ni koo ndo ndïtuꞌun ndo xiꞌin nda iin naꞌa ndá kuꞌva ndu̱vaꞌa ndo ―káchi ra xiꞌin nda.

San Marcos 13:9

’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.

San Marcos 3:12

Saa ndee ni ndi̱kaꞌan Jesús xiꞌin ya xa̱ꞌnda chiñu ra nuu ya, ya ná käꞌan ya xaꞌa ra nuu chútu naꞌa, ya kúu ra Seꞌe Ndioxi.

San Marcos 5:43

Saa ndi̱kaꞌan ni ra xiꞌin na, ya ná käꞌan na xiꞌin nda iin naꞌa ya xi̱ni na. Ñaa ndi̱kaꞌan ra xiꞌin iva siꞌí yá, ya ná taxi na kuxi yá.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Marcos 7:36

Saa ndi̱kaꞌan Jesús xiꞌin na ya ná käꞌan na xiꞌin nda iin naꞌa ndá kuꞌva ndu̱vaꞌa ra. Ni ndi̱kaꞌan ni ra xiꞌin na ya ná käꞌan na xiꞌin nda iin naꞌa, ta kuaꞌa ni ka na ndi̱tuꞌun na xiꞌin xaꞌa ra.

San Marcos 8:30

Saa ndi̱kaꞌan ra xiꞌin nda ya ná käꞌan nda xiꞌin nda iin naꞌa xaꞌa ya yóꞌó.

San Marcos 9:9

Tá ndi̱ko koo nda vaxi nuu nda iku ikán, ta saa ndi̱kaꞌan Jesús xiꞌin nda, ya ná käꞌan nda xiꞌin nda iin naꞌa xaꞌa ya xi̱ni nda. Nda ná nditaku mií Taa ra xa̱a ñuu ivi yóꞌó saa kua ndituꞌun nda xaꞌa ya xi̱ni nda.

San Lucas 17:14

Saa xi̱ni ñaꞌa Jesús, ta ndi̱kaꞌan ra xiꞌin nda, káchi ra saa: ―Kuáꞌan ndo nuu sutu ná koto ra ndóꞌo̱ án xa ndu̱vaꞌa ndo ―káchi ra xiꞌin nda. Saa ke̱e nda kuaꞌan nda, tá xíka nda kuaꞌan nda ta ñaa ndu̱vaꞌa nda.

San Lucas 21:13

Tá ndi̱xaa ndo nuu na chiñu ikán ta kuchiñu ndo ndituꞌun ndo tuꞌun vaꞌa xaꞌa i xiꞌin na.

San Lucas 4:41

Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.

San Lucas 5:14

Ñaa ndi̱kaꞌan Jesús xiꞌin ra, ya ná käꞌan ra xiꞌin nda iin naꞌa ya ndu̱vaꞌa ra. Saa ndi̱kaꞌan ka Jesús xiꞌin ra, káchi ra saa: ―Xa ndu̱vaꞌa un ta vaꞌa kuꞌun un nuu sutu, ná koto ra yóꞌo̱. Saa taxi un kiti ndaꞌa ra xiꞌin inka ñaꞌa tá íyo ya káꞌan ley Ndioxi ya ta̱a ra Moisés, saa koo ya taxi un ndaꞌa ra. Tá sindiꞌi xa̱a nduvi ndiꞌi un ya, ta saa kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Lucas 8:56

Ñaa iin ndi̱kanda ni ini na ndóo na, saa ndi̱kaꞌan ra xiꞌin na ya ná ndïtuꞌun na xiꞌin nda iin naꞌa.

San Lucas 9:21

Ta ndi̱kaꞌan ni Jesús xiꞌin nda ítaꞌan xiꞌin ra ya ná käꞌan nda xiꞌin nda iin naꞌa xaꞌa ya ndi̱kaꞌan ra Pedro.

San Juan 5:41

’Yeꞌe, ta köo xíniñuꞌu i kaꞌan vaꞌa naꞌa xaꞌa i,

San Juan 7:18

Iin taa, ra káꞌan xaꞌa ichí kúu mií ra, ta íkan ra saa chinuu vaꞌa ra tuꞌun ra ya ná xaa toꞌo ñaꞌa inka naꞌa. Sundi tá íyo iin ra köo chínuu vaꞌa ra tuꞌun mií ra, ta ndíkundee ra ndúku ra ya ná chinuu vaꞌa naꞌa tuꞌun ra ti̱ꞌvi ñaꞌa, ta saa kúndaa ini yo ra ndaa ku ra, ta köo ya síki íyo ini ra.

San Juan 8:50

Ta süvi mií i ku i kúni ya xaa toꞌo naꞌa yeꞌe, íyo inka ra kúni ya xaa toꞌo na yeꞌe, ta ra ikán ku ra xáa nani kuachi naꞌa.