’Täxi ndo ñaꞌa i̱í ndaꞌa kiti tina, koto ndo ndiko koo ri tiin ri ndóꞌo̱. Ta ni ya kuika kúu mií ndo, ta käta ndo ya nuu kiti kini, koto ka kuañu ndoso ri ya.
Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.
Saa ndi̱xikan tachi nduvaꞌa ya mani nuu Jesús, káchi ya saa: ―Tá ná tava un ndeꞌe kuꞌun nde, ta taxi un kee nde ini kiti kini kaá ―káchi ya xiꞌin Jesús.
Ta yati ñúꞌu iin tiꞌvi kini xíxi ri iin xiki. Saa xa̱ku ndaꞌvi tachi nduvaꞌa nuu Jesús ya taxi ra kuꞌun ya kiꞌvi ya ini kiti kini ikán. Saa ta̱xi ra ichí ndaꞌa ya kuaꞌan ya.
