San Mateo 8:13 - Xochapa Mixteco

¹³ Saa ndi̱kaꞌan ka Jesús xiꞌin ra ndíso chiñu xiꞌin nda lapa ikán, káchi ra saa: ―Vaꞌa ndiko koo un nuꞌu un veꞌe un. Xa ndu̱vaꞌa ra xáa chiñu nuu un xaꞌa ya kándixa un yeꞌe ―káchi Jesús xiꞌin ra. Ta mi hora ikán ndu̱vaꞌa ra xáa chiñu nuu ra.

San Mateo 8:13 Mawu Ofanana

San Mateo 15:28

Ñaa ndi̱kaꞌan Jesús xiꞌin yá, káchi ra saa: ―Nana, ndixa ni kándixa un yeꞌe. Ta xaꞌa ya ñaa xaa súvi i ya ndúku un nuu i ―káchi ra xiꞌin yá. Ta mi hora ikán ndu̱vaꞌa yá loꞌo seꞌe yá.

San Mateo 17:20

Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Mateo 9:22

Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Marcos 7:29

Ñaa ndi̱kuiin ra, káꞌan ra xiꞌin yá: ―Xaꞌa ya vaꞌa ndi̱kuiin un, ta vaꞌa ndiko koo kuanuꞌu veꞌe un, chi xa ke̱e tachi nduvaꞌa ya ndóꞌo seꞌe un ―káchi ra xiꞌin yá.

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Juan 4:50

Saa ndi̱kaꞌan Jesús xiꞌin ra: ―Ndiko koo kuanuꞌu veꞌe un, xa ndu̱vaꞌa va seꞌe un ―káchi ra xiꞌin ra. Saa ka̱ndixa ra ikán ya ndi̱kaꞌan Jesús xiꞌin ra, ta ndi̱kiꞌin ra kuanuꞌu ra.