San Mateo 7:7 - Xochapa Mixteco

⁷ Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

San Mateo 7:7 Mawu Ofanana

San Mateo 18:19

’Yakan káꞌan i xiꞌin ndo, tá iin yuꞌu íyo uvi ndo ñuu ivi yóꞌó, ta ndúku ndo ndá ka ñaꞌa nuu Ndioxi, ra íyo nuu ndivi, ta xaa súvi ra ya ndúku ndo nuu ra, taxi ra ya ndaꞌa ndo.

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Mateo 7:11

Va ni ndóꞌo̱ ivi kuachi ku ndo, ta xíni ndo taxi ndo ñaꞌa vaꞌa ndaꞌa seꞌe ndo. Ta ndisaa ka vi Iva yo Ndioxi ra íyo nuu ndivi, taxi ra ya vaꞌa ndaꞌa na ndúku ñaꞌa nuu ra.

San Mateo 7:8

Saa chi ndiꞌi naꞌa ndúku ñaꞌa kúmani nuu na, nuu Ndioxi ta níꞌi na ya ndúku na nuu ra, ta ndiꞌi na ndúku ñaꞌa nuu ra ta níꞌi na ya ndúku na, saa ndiꞌi na káni ndaꞌa yeꞌe, ta xúna ra yeꞌe nuu na.

San Marcos 11:24

Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra.

San Lucas 13:25

Kiꞌvi ndo tá núna yéꞌé ra vitin, saa chi vaxi kivi ta ndikundichi mií ra xíin veꞌe ikán ndikasi ra ya. Ta saa ndinuni kuaku ndaꞌvi ndo kundita ndo yéꞌé ra kaꞌan ndo xiꞌin ra: “Tata, kuna yéꞌé nuu nde”, kachi ndo xiꞌin ra. Ñaa kaꞌan ra xiꞌin ndo, kachi ra saa: “Köo xíni i mií chí ke̱e ndo”, kachi ra xiꞌin ndo.

San Lucas 18:1

Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

ROMANOS 3:11

Nda iin naꞌa köo xíin kundaa ini xaꞌa ya ndaa. Ta ni xïin tu na nduku na Ndioxi va.

HEBREOS 11:6

Tá tu köo ndáa ni ini yo xíni yo Ndioxi, ta küvi xaa síni yo ini ra, saa chi ndiꞌi yo kúyati nuu ra ta xíniñuꞌu yo kundaa ni ini yo kuni yo ra ya íyo ra, saa xíniñuꞌu tu yo kundaa ini yo ya sóko ni ra ya vaꞌa nuu ndiꞌi yo kúyati nuu ra, ndúku yo ra.

Santiago 5:15

Tá ndáa ni ini mií na xikuaꞌa ikán Ndioxi ta sinduvaꞌa ra mií na kúꞌvi, nduvaꞌa na. Saa tá ndá ya väꞌa i̱kan na ta xaa kaꞌnu ini Ndioxi xaꞌa kuachi na.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.