San Mateo 7:26 - Xochapa Mixteco

²⁶ Tá íyo iin taa ra köo ndíchi xiní, ra si̱kuaꞌa veꞌe nuu yoti, saa íin na xíni soꞌo tuꞌun káꞌan i, tá köo xáa súvi na ya káꞌan i xiꞌin na.

San Mateo 7:26 Mawu Ofanana

San Mateo 7:24

Saa ndi̱kaꞌan tuku Jesús xiꞌin na, káchi ra saa: ―Ná ndituꞌun i xiꞌin ndo ndá kuꞌva íin na xíni soꞌo tuꞌun káꞌan i, nda tá káa iin taa ra ndíchi xiní, ra si̱kuaꞌa veꞌe sata kava yu̱ú teꞌe ni, saa íin na.

San Mateo 7:25

Ndee ni ku̱un savi sata veꞌe ikán, ta xa̱ꞌnu ni nduta tañuꞌu xaꞌa ya, saa ka̱ni ni tachi sata ya, ta nda iin ya köo ndi̱ndoꞌo ya xaꞌa ya ndee ni tuun tíin xaꞌa kava yu̱ú nuu ínuu ya.

San Mateo 7:27

Ndee ni ku̱un savi sata ya, ta ndi̱xinu tañuꞌu xaꞌa ya, saa ka̱ni ni tachi sata ya, ta köo ndíkundee ya xaꞌa ya si̱kuaꞌa na ya nuu yoti, ñaa ndi̱kava ya ndi̱ꞌi xaꞌa ya ―káchi Jesús xiꞌin na.

San Lucas 6:49

Sundi na xíni soꞌo ya káꞌan i, ta köo xáa súvi na ya káꞌan i xiꞌin na, tá káa iin ra chi̱nduꞌu xaꞌa veꞌe nuu ñuꞌu va saa íin na, chi köo ndi̱xata kunu na yu̱ú xaꞌa veꞌe na. Tá ke̱e ita ta si̱ndiꞌi xaꞌa ndiꞌi rá ya, si̱ndikava rá ya xaꞌa ya köo yu̱ú xaꞌa ya ―káchi Jesús xiꞌin na.

Santiago 2:20

Ta vaꞌa ná kundaa ini ndo chi väꞌa vi kéꞌe ndo, tá íkan ndo saa ndisaa ndáa ini ndo xíni ndo Tata yo, ta köo xáa súvi ndo chiñu xáꞌnda chiñu ra nuu ndo, ya ñaa ta köo ndáa yaꞌvi vi ya, ya uun kuiti va ku ya.