San Mateo 7:23 - Xochapa Mixteco

²³ Ta yeꞌe ndikuiin i kaꞌan i xiꞌin na, kachi i saa: “Nda iin ichí köo ndóꞌo̱ ndi̱xini i, kuátaꞌa ndo nuu i, saa chi süvi ndóꞌo̱ vaꞌa ku ndo”, kachi i xiꞌin na ―káchi Jesús xiꞌin na.

San Mateo 7:23 Mawu Ofanana

San Mateo 25:12

Saa ndi̱kuiin ra tíndaꞌa ikán, káꞌan ra xiꞌin ná, káchi ra saa: “Ya ndaa káꞌan i xiꞌin ndo, köo xíni i ndóꞌo̱”, káchi ra xiꞌin ná. Saa ndi̱ꞌi tuꞌun ndíchi loꞌo yóꞌó ―káchi Jesús.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Lucas 13:25

Kiꞌvi ndo tá núna yéꞌé ra vitin, saa chi vaxi kivi ta ndikundichi mií ra xíin veꞌe ikán ndikasi ra ya. Ta saa ndinuni kuaku ndaꞌvi ndo kundita ndo yéꞌé ra kaꞌan ndo xiꞌin ra: “Tata, kuna yéꞌé nuu nde”, kachi ndo xiꞌin ra. Ñaa kaꞌan ra xiꞌin ndo, kachi ra saa: “Köo xíni i mií chí ke̱e ndo”, kachi ra xiꞌin ndo.

San Lucas 13:27

Ta saa ndikuiin ra kaꞌan ra xiꞌin ndo: “Xa ndi̱kaꞌan i xiꞌin ndo köo xíni i mií chí ke̱e ndo. Kuátaꞌa ndo yéꞌé i chi süvi ndóꞌo̱ vaꞌa ku ndo”, kachi ra xiꞌin ndo.

San Juan 10:14

’Sundi yeꞌe ta ra paxto vaꞌa ni ku i. Xíni vaꞌa i levo sana i, ta saa tu mií va ri xíni vaꞌa ri yeꞌe.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.