San Mateo 7:16 - Xochapa Mixteco

¹⁶ ’Ta vaꞌa ndikuni ndo nda xaꞌa ya íkan nda. Tá íkan nda ya väꞌa ta saa kundaa ini ndo xiꞌin nda, süvi nda sínaꞌa tuꞌun Ndioxi ku nda. Chi tá kúu itun iñu ta küvi kana kiti uva ndaꞌa nu, án kiti higo, ta küvi kana ri ndaꞌa itun viꞌnda.

San Mateo 7:16 Mawu Ofanana

San Mateo 12:33

Saa ndi̱kaꞌan tuku Jesús xiꞌin na, káchi ra saa: ―Tá íyo itun vaꞌa, ta kuiꞌi vaꞌa kúun ndaꞌa nu. Tá tu íyo itun väꞌa, ta kuiꞌi väꞌa kúun ndaꞌa nu. Ya kuchiñu yo kundaa ini yo án nu vaꞌa ku nu án nu väꞌa ku nu, ta vaꞌa kiꞌin yo kuenta xaꞌa kuiꞌi kúun ndaꞌa nu.

San Mateo 7:20

Tá íyo itun xiꞌin kuiꞌi, saa íyo naꞌa xiꞌin ñaꞌa ya íkan na. Tá kuꞌva ndíkuni yo itun kuiꞌi, saa ndikuni ndo nda vata xaꞌa ya vata íkan nda ―káchi Jesús xiꞌin na.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Santiago 2:18

Küvi kaꞌan yo xiꞌin taꞌan yo, kachi yo: “Yóꞌo̱ ta ndee ni ndáa ini un xíni un Tata yo, ta yeꞌe ta ndee ni vaꞌa xáa súvi i chiñu vaꞌa nuu ra”, kachi yo. Ta vaꞌa sinaꞌa un ndisaa ya ndáa ni ini un xíni un ra, ta sïnaꞌa un chiñu ya xáa súvi un nuu ra. Sundi yeꞌe ta sinaꞌa i ya ndáa ni ini i xíni i ra xiꞌin chiñu ya vaꞌa ni xáa súvi i nuu ra.

Santiago 3:12

Ta saa íyo tu itun higo küvi kana kiti olivo ndaꞌa nu, ni teꞌe kiti uva küvi kana higo ndaꞌa ya. Yakan kua ni tikuií vaꞌa án rá uꞌva, ta küvi kana uvi saa rá ini iin poso.