San Mateo 7:12 - Xochapa Mixteco

¹² ’Yakan tá kuꞌva kúni ndo ikan naꞌa ya vaꞌa xiꞌin ndo, saa xíniñuꞌu ndo ikan ndo ya vaꞌa xiꞌin na. Saa kua xáa súvi ndo ley ya ta̱a ra Moisés xiꞌin nda profeta xinaꞌa ―káchi Jesús xiꞌin na.

San Mateo 7:12 Mawu Ofanana

San Mateo 5:17

Saa ndi̱kaꞌan tuku Jesús, káchi ra saa: ―Ndïkani ini ndo ya vaxi i sindiꞌi xaꞌa i ley Ndioxi, án tuꞌun ra ya ta̱a nda ndi̱kaꞌan ndoso tuꞌun yuꞌu Ndioxi xinaꞌa. Växi i sindiꞌi xaꞌa i ya, chi ya vaxi i sixinu ka va i ku tuꞌun ya ndi̱kaꞌan Ndioxi.

San Lucas 6:31

Tá kuꞌva kúni ndo ikan naꞌa xiꞌin ndo, saa ikan ndo xiꞌin na.

1 Timoteo 1:5

Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

Santiago 2:8

Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.