San Mateo 7:11 - Xochapa Mixteco

¹¹ Va ni ndóꞌo̱ ivi kuachi ku ndo, ta xíni ndo taxi ndo ñaꞌa vaꞌa ndaꞌa seꞌe ndo. Ta ndisaa ka vi Iva yo Ndioxi ra íyo nuu ndivi, taxi ra ya vaꞌa ndaꞌa na ndúku ñaꞌa nuu ra.

San Mateo 7:11 Mawu Ofanana

San Mateo 23:9

Ta nda iin naꞌa käꞌan ndo xiꞌin ñuu ivi yóꞌó, kachi ndo “Iva i”, saa chi iindaa va ku Iva yo Ndioxi, ra íyo nuu ndivi.

San Mateo 7:10

’Án tá ndúku na tiaka nuu ndo kuxi na, ta ¿án tíin ndo iin kiti ko̱ó ta táxi ndo ri ndaꞌa na kaxi na?

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

ROMANOS 3:9

Ta, ¿unku ya ndíkani ini yo? ¿Án vaꞌa ni ka mií yo kúu judío nuu naꞌa, na köo kúu judío? Ya ndaa ni káꞌan i xiꞌin ndo, süvi saa íyo ya, chi iin káchi íyo kuachi ndiꞌi yo nuu Ndioxi, tá íyo ya xa ndi̱kaꞌan nde xiꞌin ndo.

ROMANOS 8:32

Chi Ndioxi ta yáꞌa ni vaꞌa ini ra, nda ta̱xi ra Seꞌe ra, ra iindaa mituꞌun nuu ra, ta ndi̱xiꞌi ra xaꞌa kuachi ndiꞌi yo. Ta köo ndíkuxiꞌnda ñaꞌa ra, ta maa täxi vi ra ñaꞌa ya xíniñuꞌu yo ndaꞌa yo.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.

1 Juan 3:1

¡Koto ndo vii! Iva yo Ndioxi ta yáꞌa ni kúꞌvi ini ra xíni ra yoo, yakan táxi ra kunani yo seꞌe ra ta ya ndaa kua kúu yo seꞌe ra. Xaꞌa ya kúu yo seꞌe ra yakan köo kúni na ñuu ivi yóꞌó kuni na mií yo. Saa chi ni mií ra ta köo ndi̱xiin na kuni ñaꞌa na.

1 Juan 4:10

Káꞌan i xiꞌin ndo unkua káchi mií ya ndaa ni kúꞌvi ini Ndioxi xíni ra yoo, saa chi süvi yoo ku yo xiꞌna ndi̱kuꞌvi ini kuni Ndioxi, xiꞌna mií ra ku ra xa̱á kúꞌvi ni ini xi̱ni yoo ta xaꞌa ya ikán kua ti̱ꞌvi ra Seꞌe ra, ra kúu Jesucristo. Ta ra ikán ndi̱soko ra mií ra ndi̱xiꞌi ra xaꞌa yo, cha̱ꞌvi ra xaꞌa kuachi yo nuu Ndioxi.