San Mateo 6:9 - Xochapa Mixteco

⁹ Ta vaꞌa, tá káꞌan ndo xiꞌin ra, ta soꞌva kaꞌan ndo xiꞌin ra: “Tata Iva yo Ndioxi, ra íyo nuu ndivi, ná xaa toꞌo ni naꞌa kivi un.

San Mateo 6:9 Mawu Ofanana

San Mateo 10:29

Ta xa kúndaa va ini ndo, kiti sàà vali ta núu ni va yaꞌvi ri, uvi vi ri ndáa iin xuꞌun loꞌo. Ni saa va, sundi ndáa yaꞌvi ni va ri nuu Ndioxi, nda iin ri köo kóyo nuu ñuꞌú ya xíꞌi mií ri, sundi Iva yo Ndioxi ku ra kíꞌin ni kuenta xiꞌin ri.

San Mateo 23:9

Ta nda iin naꞌa käꞌan ndo xiꞌin ñuu ivi yóꞌó, kachi ndo “Iva i”, saa chi iindaa va ku Iva yo Ndioxi, ra íyo nuu ndivi.

San Mateo 26:29

Ta ndixa káꞌan i xiꞌin ndo, köꞌo ka i nduta vinu, nduta kiti uva xiꞌin ndo, nda kivi tá ná ndikitaꞌan yo nuu xáꞌnda chiñu Iva i Ndioxi. Nda saa koꞌo yo vinu xa̱á ―káchi Jesús xiꞌin nda.

San Mateo 26:42

Saa ke̱e tuku ra kuaꞌan ra kaꞌan ra xiꞌin Ndioxi ichí uvi, káchi ra saa: ―Tata Iva mií i, tá xíniñuꞌu i ndoꞌo ni i, ta íyo ndúvi i xaa súvi i ya kúni mií un ―káchi ra.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Mateo 6:14

Saa káꞌan ka ra xiꞌin na, káchi ra saa: ―Saa chi tá xáa kaꞌnu ini ndo xaꞌa kuachi ya íkan inka na xiꞌin ndo. Ta saa Iva yo Ndioxi ra íyo nuu ndivi xáa kaꞌnu ini ra xaꞌa kuachi ndo.

San Mateo 6:6

Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Mateo 7:11

Va ni ndóꞌo̱ ivi kuachi ku ndo, ta xíni ndo taxi ndo ñaꞌa vaꞌa ndaꞌa seꞌe ndo. Ta ndisaa ka vi Iva yo Ndioxi ra íyo nuu ndivi, taxi ra ya vaꞌa ndaꞌa na ndúku ñaꞌa nuu ra.

San Lucas 15:18

Vaꞌa ka ná ndiko koo i nuꞌu i veꞌe tata i, ta kaꞌan i xiꞌin ra: Tata, xaa kaꞌnu ini un xaꞌa i. Ndi̱yaꞌa i nuu Ndioxi tin nuu yóꞌo̱.

San Lucas 15:21

Ta ndi̱kaꞌan ra xiꞌin iva ra, káchi ra saa: “Tata, xaa kaꞌnu ni ini un xaꞌa i. Ndi̱yaꞌa i nuu Ndioxi tin nuu yóꞌo̱, ni köo xíniñuꞌu ka i kunani i seꞌe un”, káchi ra xiꞌin iva ra.

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

1 Timoteo 6:16

Ta iin mituꞌun mií Ndioxi ku ra táku ndiꞌi saa kivi, köo xíꞌi ra yáꞌa ni vi yéꞌe̱ nuu íyo ra, yakan nda iin na köo kúchiñu kuyati nuu ra. Ta nda iin naꞌa täꞌan kuni xiꞌin nuu na ra, ta ni küvi kuni na ra. Ná ndikiꞌin ni ra ikán ya toꞌo, ta saa ná xaa kaꞌnu ni ndiꞌi naꞌa ra, saa chi yáꞌa ni ndee kúu mií ra, ta ndiꞌi saa kivi kuu mií ra ya! Saa ná koo.

1 Pedro 1:17

Ta ndóꞌo̱, tá káꞌan ndo xiꞌin Ndioxi, ta kaꞌan ndo xiꞌin ra ya kúu ra Iva ndo. Ta vaꞌa va chi köo ndi̱kaxin ra nda iin naꞌa, iin kuꞌva xáa nani ra kuachi xiꞌin ndiꞌi na. Xaꞌa ya ñaa kua xíniñuꞌu ndo xaa súvi ndo ndiꞌi ñaꞌa íkan ndo xiꞌin ya toꞌo, nani ndóo naꞌa ndo ñuu ivi yóꞌó.

El Apocalipsis 4:11

―Iva yo Ndioxi, iin mií un ku un kaꞌnu ni nuu nde, yakan iindaa yóꞌo̱ ku ra kúu mií ichí ndikiꞌin ni un tuꞌun vaꞌa ya káꞌan nde xiꞌin un, saa ná ndikunuu sukun ni ya toꞌo un, chi yóꞌo̱ ku ra ndee ni ndee kúu mií, ta iindaa yóꞌo̱ ku un si̱kuaꞌa ndiꞌi ni kúu ñaꞌa ya íyo ñuu ivi yóꞌó. Tá íyo ya chi̱tuni mií un, saa íyo ndiꞌi ya si̱kuaꞌa un, ―káchi na xikuaꞌa ikán xiꞌin Ndioxi.

El Apocalipsis 5:12

Saa káꞌan ni na tatun Ndioxi ikán, káchi na saa: Levo loꞌo kiti ndi̱soko xiꞌin mií nuu Ndioxi, kiti ti̱kueꞌe ni, ri ikán ku ri ndee ni ndee kúu mií, saa kúu mií ri ndiꞌi ya kuika xiꞌin ya ndichi ni. Ta ndee ni ri, ná ndikunuu vaꞌa ni ya toꞌo ri. Ná kaꞌan vaꞌa ni yo xaꞌa ri chi ya ndixa kua ndi̱kiꞌin ndiꞌi ri ya vaꞌa, káchi na tatun Ndioxi ikán ya xáa kaꞌnu na kiti Levo loꞌo ikán.