San Mateo 6:7 - Xochapa Mixteco

⁷ ’Tá káꞌan ndo xiꞌin Ndioxi, ta ndïko koo ndo kaꞌan ndo suvi iin saa nuu tuꞌun, chi saa íkan naꞌa, na köo ndíkun Ndioxi, ndíkani ini na kuni soꞌo Ndioxi ya káꞌan na xiꞌin ra kuaꞌa ni nuu tuꞌun.

San Mateo 6:7 Mawu Ofanana

San Mateo 18:17

Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

San Mateo 26:39

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

San Mateo 26:42

Saa ke̱e tuku ra kuaꞌan ra kaꞌan ra xiꞌin Ndioxi ichí uvi, káchi ra saa: ―Tata Iva mií i, tá xíniñuꞌu i ndoꞌo ni i, ta íyo ndúvi i xaa súvi i ya kúni mií un ―káchi ra.

San Mateo 26:44

Saa si̱ndoo ra nda, ta ke̱e tuku ra kuaꞌan ra kaꞌan ra xiꞌin Ndioxi ichí uni. Tá kuꞌva xa ndi̱kaꞌan ra xiꞌin Ndioxi yachi, saa káꞌan tuku ra.

San Mateo 6:32

Naꞌa, na köo xíni Ndioxi ku na ndíꞌi ni ini xaꞌa taꞌan ñaꞌa yóꞌó. Ta ndóꞌo̱, ta kündiꞌi ini ndo xaꞌa ya yóꞌó. Saa chi Iva ndo ra íyo nuu ndivi ta xa xíni ra unkua xíniñuꞌu ndo.

Los Hechos 19:34

Saa tá ku̱ndaa ini ndiꞌi na ya kúu ra Alejandro ikán ra judío, ta köo ndi̱xiin ka na kuni soꞌo na ya káꞌan ra. Saa iin ndi̱kuiso tuku na xa̱á na ndáꞌi koꞌo na, saa i̱kan na iin kuꞌva uvi hora, káchi na saa: ―¡Siꞌí yo yá Diana kúu ndioxi káñuꞌu yo ñuu Éfeso yóꞌó! ―káchi na.