San Mateo 6:6 - Xochapa Mixteco

⁶ Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Mateo 6:6 Mawu Ofanana

San Mateo 14:23

Tá ndiꞌi nda̱i ra na, saa nda̱a ra nuu xiki kaꞌan ra xiꞌin Ndioxi. Ikán íyo iindaa mií ra káꞌan ra xiꞌin Ndioxi nda tá ku̱ñuu.

San Mateo 6:18

Täxi ndo kundaa ini naꞌa ya xíxi suꞌun ndo, ndisaa Iva yo ná kundaa ini xíxi suꞌun ndo, saa niꞌi ni ndo ya vaꞌa nuu ra, saa chi ndisaa mií ra xíto ya íkan ndo.

San Mateo 6:4

Tá táxi ndo xuꞌun ndaꞌa na ndaꞌvi, ta taxi sěꞌe ndo ya. Ta saa Iva yo Ndioxi, ra xíto ya íkan sěꞌe ndo, taxi ra ya vaꞌa ndaꞌa ndo.

San Juan 1:48

Saa ndi̱kaꞌan ra Natanael, káchi ra saa: ―¿Ndachu vaꞌa xíni un yeꞌe? ―káchi ra. Ta ndi̱kuiin Jesús káꞌan ra: ―Yachi ka tá täꞌan kana ra Felipe yóꞌo̱ vi kua, xi̱ni i yóꞌo̱ íyo un xaꞌa itun higo ―káchi Jesús xiꞌin ra.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

Los Hechos 10:30

Ta saa ndi̱kuiin ra káꞌan ra: ―Ná ndituꞌun i xiꞌin un unkua ndo̱ꞌo i. Xa xínu kumi kivi kua índuꞌu i veꞌe i, tá kuꞌva kàà uni kua íyo i xíxi suꞌun i ta káꞌan i xiꞌin Ndioxi xikuaa, ta ndi̱tuvi iin taa nuu i, yéꞌe̱ ka vi toto ndíxi ra.

Los Hechos 10:9

Ñaa ndi̱tuvi inka kivi tá xa kúyati nda xaa nda ñuu Jope ikán, saa nda̱a ra Pedro sata veꞌe ya káꞌan ra xiꞌin Ndioxi, ta kua kuꞌva kàà uxi uvi nduvi.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.

ROMANOS 8:5

Naꞌa, na ndíkun ichí kúni mií na, ta ndíꞌi ni ini na xaꞌa ya kúni mií ikin kuñu na. Ta naꞌa na ndíkun ichí Tachi I̱í Ndioxi, ta xaꞌa ya kúni mií Tachi I̱í Ndioxi kua ndee ni ndíꞌi ini na xáa súvi na.

Efesios 3:14

Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,