San Mateo 6:4 - Xochapa Mixteco

⁴ Tá táxi ndo xuꞌun ndaꞌa na ndaꞌvi, ta taxi sěꞌe ndo ya. Ta saa Iva yo Ndioxi, ra xíto ya íkan sěꞌe ndo, taxi ra ya vaꞌa ndaꞌa ndo.

San Mateo 6:4 Mawu Ofanana

San Mateo 10:42

Saa ndiꞌi na táxi án nda iin vaso loꞌo tikuii vixin koꞌo na vali yóꞌó, ta niꞌi na ya vaꞌa nuu Ndioxi, xaꞌa ya íkan na saa xiꞌin na ndíkun yeꞌe ―káchi Jesús.

San Mateo 6:18

Täxi ndo kundaa ini naꞌa ya xíxi suꞌun ndo, ndisaa Iva yo ná kundaa ini xíxi suꞌun ndo, saa niꞌi ni ndo ya vaꞌa nuu ra, saa chi ndisaa mií ra xíto ya íkan ndo.

San Mateo 6:3

Ta saa ndóꞌo̱, tá síniꞌi ndo xuꞌun nuu na ndaꞌvi, ta täxi ndo kundaa ini ndaꞌa kuáꞌá ndo xaꞌa ya íkan ndaꞌa itin ndo. Ndïtuꞌun ndo xiꞌin na taꞌan ndo, ni vaꞌa ni ítaꞌan ndo xiꞌin na, ta ndïtuꞌun ndo xiꞌin na.

San Mateo 6:6

Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

San Lucas 8:17

Saa kúndaa ini yo, ndiꞌi ñaꞌa ya íyo sêꞌe vitin ta nduxa ndituvi ndiꞌi ya kuni inka naꞌa. Saa chi tindaa iin kivi ta ndiꞌi na kundaa ini na xaꞌa ya íyo sêꞌe.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.