San Mateo 6:34 - Xochapa Mixteco

³⁴ Yakan kündiꞌi ni ini ndo xaꞌa ñaꞌa ya kuniñuꞌu ndo kivi vaxi. Saa chi kivi vaxi ta xa kúu mií ya tindoꞌo va. Chi iin iin kivi ta xa ndíso mií va ya tindoꞌo.

San Mateo 6:34 Mawu Ofanana

San Mateo 6:11

Ta taxi un ñaꞌa ya xíniñuꞌu nde kuxi nde kivi vitin.

San Mateo 6:25

Saa ndi̱kaꞌan tuku Jesús, káchi ra saa: ―Káꞌan i xiꞌin ndo, kündiꞌi ni ini ndo xaꞌa ñaꞌa kutaku ndo. Ni xaꞌa ya kuxi ndo án ya koꞌo ndo, ni toto kundixi ndo kündiꞌi ini ndo xaꞌa. Saa chi ya vaꞌa yo ku ya ndáa yaꞌvi ni ka nuu ñaꞌa xíxi yo. Ta ni toto ndíxi yo ta köo ndáa yaꞌvi ni ya nuu ikin kuñu yo.

San Mateo 6:27

Ta ndóꞌo̱, süvi xiꞌin ya ndíꞌi ni ini ndo ku ya kuchiñu ndo sikuaꞌnu sukun loꞌo ndo mií ndo, saa chi iindaa Ndioxi kuu ra xáꞌnda chiñu ndá kuꞌva sukun koo ndo.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 11:3

Ta taxi un ñaꞌa ya xíniñuꞌu nde kuxi nde kivi vitin.

San Lucas 12:11

Saa ndi̱kaꞌan ka ra xiꞌin na, káchi ra saa: ―Tá ndá naꞌa táxi kuachi xaꞌa ndo nuu na naꞌnu veꞌe ñuꞌu sinagoga án nuu na chiñu ñuu ndo, ta kündiꞌi ini ndo xaꞌa tuꞌun ya kaꞌan ndo xiꞌin na,

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

1 Pedro 5:7

Ta nditaxi ndiꞌi ndo tindoꞌo ya síndiꞌi ini ndo ndaꞌa ra, saa chi mií ra ku ra ndáa ndóꞌo̱.