San Mateo 6:32 - Xochapa Mixteco

³² Naꞌa, na köo xíni Ndioxi ku na ndíꞌi ni ini xaꞌa taꞌan ñaꞌa yóꞌó. Ta ndóꞌo̱, ta kündiꞌi ini ndo xaꞌa ya yóꞌó. Saa chi Iva ndo ra íyo nuu ndivi ta xa xíni ra unkua xíniñuꞌu ndo.

San Mateo 6:32 Mawu Ofanana

San Mateo 6:8

Ïkan ndo tá íkan na ikán, saa chi Iva yo Ndioxi ta xa xíni ra unkua xíniñuꞌu ndo, ni täꞌan ka kaꞌan ndo xiꞌin ra, ta xa xíni va ra unkua xíniñuꞌu ndo.

San Lucas 12:30

Saa chi ya yóꞌó ku ñaꞌa ya ndíꞌi ni ini na köo xíni Ndioxi xaꞌa. Sundi ndóꞌo̱, na kúu seꞌe Ndioxi, ta xa xíni mií va Iva ndo ndá ñaꞌa kua xíniñuꞌu ndo.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

Filipenses 4:19

Ta mií Iva i Ndioxi ku ra taxi ndiꞌi ñaꞌa ndaꞌa ndo ya xíniñuꞌu nuu ndo. Chi kuaꞌa ni ya kuika íyo nuu ra nuu ndivi, ta mií ra ku ra taxi ndiꞌi ñaꞌa ya kúmani nuu ndo ndaꞌa ndo, xaꞌa ya i̱kan Tata yo Jesucristo xaꞌa ndo.

1 Tesalonicenses 4:5

Ta xäa kini ni ndo xiꞌin ikin kuñu ndo, ndixita ndo mií ndo nuu kuachi ivi yóꞌó. Ïkan ndo tá íkan naꞌa, na köo xíni Ndioxi.