San Mateo 6:27 - Xochapa Mixteco

²⁷ Ta ndóꞌo̱, süvi xiꞌin ya ndíꞌi ni ini ndo ku ya kuchiñu ndo sikuaꞌnu sukun loꞌo ndo mií ndo, saa chi iindaa Ndioxi kuu ra xáꞌnda chiñu ndá kuꞌva sukun koo ndo.

San Mateo 6:27 Mawu Ofanana

San Mateo 5:36

Ni xaꞌa xiní ndo küvi chinaꞌa ndo, saa chi köo kúchiñu ndo ndasa yaa ndo ixi xini ndo án ndasa ndáá ndo ya.

San Mateo 6:25

Saa ndi̱kaꞌan tuku Jesús, káchi ra saa: ―Káꞌan i xiꞌin ndo, kündiꞌi ni ini ndo xaꞌa ñaꞌa kutaku ndo. Ni xaꞌa ya kuxi ndo án ya koꞌo ndo, ni toto kundixi ndo kündiꞌi ini ndo xaꞌa. Saa chi ya vaꞌa yo ku ya ndáa yaꞌvi ni ka nuu ñaꞌa xíxi yo. Ta ni toto ndíxi yo ta köo ndáa yaꞌvi ni ya nuu ikin kuñu yo.

San Mateo 6:28

’¿Ndachu ndíꞌi ni ini ndo xaꞌa toto kundixi ndo? Koto ndo ndá kuꞌva xáꞌnu ita iku, köo xáa chiñu ya síkuaꞌa ya toto ya.

San Mateo 6:31

Kündiꞌi ka ini ndo kaꞌan ndo, mií kee ñaꞌa kuxi yo, ta mií kee ñaꞌa koꞌo yo, ta mií kee toto kundixi yo, kachi ndo.

San Mateo 6:34

Yakan kündiꞌi ni ini ndo xaꞌa ñaꞌa ya kuniñuꞌu ndo kivi vaxi. Saa chi kivi vaxi ta xa kúu mií ya tindoꞌo va. Chi iin iin kivi ta xa ndíso mií va ya tindoꞌo.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 12:11

Saa ndi̱kaꞌan ka ra xiꞌin na, káchi ra saa: ―Tá ndá naꞌa táxi kuachi xaꞌa ndo nuu na naꞌnu veꞌe ñuꞌu sinagoga án nuu na chiñu ñuu ndo, ta kündiꞌi ini ndo xaꞌa tuꞌun ya kaꞌan ndo xiꞌin na,

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

1 Corintios 12:18

Sundi Ndioxi, ta xa xíni vaꞌa va ra nuu toso ra tá iin, tá iin ñaꞌñu ya xíniñuꞌu ikin kuñu yo, tá kuꞌva kúni mií ra saa íyo ya i̱kán ra xiꞌin yo.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

1 Pedro 5:7

Ta nditaxi ndiꞌi ndo tindoꞌo ya síndiꞌi ini ndo ndaꞌa ra, saa chi mií ra ku ra ndáa ndóꞌo̱.