San Mateo 6:23 - Xochapa Mixteco

²³ Tá tu väꞌa íyo nduchi nuu ndo, ta ni nima ndo ta väꞌa íyo ya. Tá tu ndíkani ini ndo xíka ndo nuu ñu̱ꞌu̱ yéꞌe, ta süvi ya ndaa ku ya xíka ndo nuu yéꞌe̱, ¡tá íin naꞌa, na xíka nuu naá va, saa íin ndo!

San Mateo 6:23 Mawu Ofanana

San Mateo 20:15

Mií i xíni va xaꞌa ya íkan i xiꞌin ñaꞌa i. ¿Án kûní ini un xaꞌa ya vaꞌa íkan i xiꞌin naꞌa?” káchi ra xíin ñuꞌú ikán xiꞌin ra xáa chiñu nuu ra.

San Mateo 6:22

Saa ndi̱kaꞌan tuku Jesús xiꞌin na, káchi ra saa: ―Nduchi nuu yo ta nda tá káa ñu̱ꞌu̱ ya ndítuun naꞌa, saa íyo ya. Tá tu vaꞌa nduchi nuu ndo, ta saa vaꞌa ndiꞌi ini ndo, yéꞌe ndiꞌi ini ndo.

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

San Lucas 11:34

Tá káa ñu̱ꞌu̱ túun yo saa íin nduchi nuu yo, chi nduchi nuu yo kua síndiyeꞌe ndiꞌi ikin kuñu yo. Tá íyo vaꞌa nduchi nuu yo, ta saa íyo vaꞌa ndiꞌi ikin kuñu yo. Tá káa ya yéꞌe̱ saa káa ndiꞌi ya, sundi tá tu väꞌa nduchi nuu un, ta tá káa nuu naá, saa íin ndiꞌi ikin kuñu un.

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

ROMANOS 1:22

Saa ndíkani ini na ya ndu̱ndíchi ni na, ta süvi ya ndaa kua, na ndu̱kiꞌvi vaꞌa ka va ku na.

1 Corintios 2:14

Ta naꞌa, na köo íyo Tachi I̱í Ndioxi xiꞌin ta köo kúchiñu na kundaa ini na xaꞌa ya vaꞌa ke̱e nuu ndivi, chi tá káa tuꞌun ya kíꞌvi va saa káa ya nuu na. Köo kúchiñu na kundaa ini na xaꞌa ya, saa chi ndisaa naꞌa, na kúu mií Tachi I̱í Ndioxi ku na kúchiñu kúndaa ini xiꞌin ya.

Efesios 4:18

Chi na köo xíni Ndioxi ta íyo xíka ni va na nuu ra, nda ya xínituni na ta tá íin ya íyo nuu naá va saa íyo ya, tuun ni nima na, ta soꞌo ni na.

Efesios 5:8

Saa chi yachi ta nuu naá va ndi̱xiyo ndo, sundi vitin ta xaꞌa ya ndíkun ndo Tata yo Cristo kua xíka ndo nuu yéꞌe̱. Xaꞌa ya ñaa kua xíniñuꞌu ndo koo ndo tá íin naꞌa, na xíka nuu ñu̱ꞌu̱ yéꞌe̱, nuu túvi.

1 Juan 2:11

Sundi naꞌa, na kúndasi nuu xíni taꞌan, ta íyo na nuu naá, saa xíka na nuu naá, ta köo xíni na nuu xíka na chi küvi koto na, tá íin na kuáa̱ saa ndu̱u na xiꞌin ya naá.