San Mateo 6:13 - Xochapa Mixteco

¹³ Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Mateo 6:13 Mawu Ofanana

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Mateo 5:37

Tá kivi káꞌan ndo xaa súvi ndo chiñu káchi ndo, ta xaa súvi ndo ya, tá káꞌan ndo xäa súvi ndo ya káchi ndo, ta xäa súvi ndo ya. Köo xíniñuꞌu kaꞌan ndo inka tuꞌun ya kandixa naꞌa ndóꞌo̱, chi tá chínuu ndo inka tuꞌun káꞌan ndo ta ya káku xiní kiti nǎꞌa ku tuꞌun ikán ―káchi Jesús.

San Mateo 6:10

Ta ná kixiun kaꞌnda chiñu un ñuu ivi yóꞌó. Tá kuꞌva xáꞌnda chiñu un nuu ndivi saa ná koo ya ikan na ñuu ivi yóꞌó.

San Juan 17:15

Ta köo xíkan i ya mani nuu un, ya tava un na kee na tañu na ñuu ivi yóꞌó, ya xikan i nuu un kua, kundaa ni un na nuu ya väꞌa.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

1 Corintios 14:16

Saa chi tá tu xáa kaꞌnu ndo Ndioxi xiꞌin tuꞌun ya köo kúndaa ini yo xiꞌin ya ke̱e nuu ndivi, ta saa ná xaa inka naꞌa, na köo xíka veꞌe ñuꞌu xiꞌin ndo, ta unkua ikan na kundaa ini na taxi na tixaꞌvi ndaꞌa Ndioxi, ta ni köo kúndaa ini na xiꞌin tuꞌun ya káꞌan ndo.

2 Corintios 1:20

Saa chi mií ra ku ra síxinu ndiꞌi ya ndi̱kaꞌan Ndioxi taxi ra ndaꞌa yo. Xaꞌa ya ñaa kua tá xáa kaꞌnu yo Ndioxi ta káꞌan yo soꞌva: “Saa ná koo”, káchi yo, chi tixin mií Jesucristo kua káꞌan yo saa.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

1 Tesalonicenses 1:10

Ta káꞌan na xaꞌa ndo ya ndátun ndo Jesús, ra kúu seꞌe Ndioxi ra ke̱e nuu ndivi, ta ndiko koo tuku ra kixi ra ñuu ivi yóꞌó. Chi Ndioxi ku ra si̱taku ñaꞌa tañu na ndíi, ta ra ikán ku ra sikaku yoo nuu tindoꞌo ya ndee ni vaxi sata na ñuu ivi yóꞌó.

2 Tesalonicenses 3:3

Sundi mií Tata yo Jesucristo ta síxinu ndiꞌi ra tuꞌun káꞌan ra, saa táxi ni ra ndee ndaꞌa ndo ya tuun ni kundikun ndo ra, saa kundaa ni ra ndóꞌo̱ nuu ya väꞌa.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!

HEBREOS 11:36

Ta xaꞌa ya xi̱ndaa ni ini na ikán xi̱ni na Ndioxi kua ndo̱ꞌo ni na ndaꞌa naꞌa, xa̱a siki ni ñaꞌa na, xa̱a chiꞌña ni na xiꞌin na saa ka̱ni ni ñaꞌa na. Ta inka na xi̱nuꞌni xiꞌin cadena xi̱ñuꞌu na veꞌe kàà.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 19:1

Tá ndi̱ꞌi ndi̱yaꞌa ya ikán saa xi̱ni soꞌo i tachi kuaꞌa ni naꞌa nuu ndivi, ndee ni káꞌan na, káchi na saa: ―¡Ná xaa kaꞌnu yo Ndioxi! ¡Chi Ndioxi ku ra ndee ni ndee, si̱kaku ra mií yo! Ndiꞌi ya vaꞌa ya ndee ni ndee xiꞌin ya toꞌo tin ya luvi ni yéꞌe̱ íyo ya xiꞌin Ndioxi.

El Apocalipsis 19:4

Saa si̱kusiti ndiꞌi oko kumi na xikuaꞌa xiꞌin kumi ya táku, ndi̱kuita ndee na si̱kusiti na nda nuu ñuꞌú ya xáa kaꞌnu na Ndioxi, ra íyo nuu tai toꞌo chee ni. Saa ndi̱kaꞌan na, káchi na saa: “Saa ná koo. Ná xaa kaꞌnu ni yo Ndioxi”, káchi na.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.

El Apocalipsis 3:14

Saa ndi̱kaꞌan tuku ra xiꞌin i, káchi ra saa: ―Taa un tutu yóꞌó kuꞌun ya ndaꞌa tatun Ndioxi ya ndáa naꞌa, na kándixa yeꞌe nuu ndíkitaꞌan na xáa kaꞌnu na yeꞌe ñuu Laodicea: “Ya yóꞌó kua káꞌan yeꞌe, ra kúu Amén. Ndee ni ndíkuiin i xaꞌa ya i̱kan Ndioxi, ra ndaa ni. Ta yeꞌe ku ra ndi̱xiyo núnu̱ú tá sikan xa̱á xi̱koo xaꞌa ñuu ivi ya si̱kuaꞌa Ndioxi.

El Apocalipsis 5:13

Ta saa xi̱ni soꞌo i ndiꞌi ya si̱kuaꞌa Ndioxi, ya íyo nuu ndivi tin ya íyo ñuu ivi yóꞌó xiꞌin ya íyo tixin ñuꞌú tin ya íyo ini nduta ñûꞌu, xa̱á ndiꞌi ya xáa kaꞌnu ya ra chee ra índuꞌu nuu tai toꞌo xiꞌin kiti Levo loꞌo ikán, káchi ya saa: Ná kunuu vaꞌa ni ya toꞌo ra, ta ná kaꞌan vaꞌa ni yo xaꞌa ra, chi ndee ni ndee kúu mií ra ta nda iin ichí ndïꞌi xaꞌa chiñu kúu mií ra índuꞌu nuu tai toꞌo, ta saa tu kiti levo loꞌo va, káchi ya si̱kuaꞌa Ndioxi.