San Mateo 6:1 - Xochapa Mixteco

¹ Saa ndi̱kaꞌan tuku Jesús xiꞌin na, káchi ra saa: ―Tá íkan ndo ya vaꞌa kúni Ndioxi, ta kuenta koo ndo täxi ndo kuni naꞌa ya íkan ndo, ta chinuu vaꞌa na tuꞌun ndo nuu inka na xaꞌa ya íkan ndo, chi tá íkan ndo saa ta köo ka ya vaꞌa niꞌi ndo nuu Ndioxi.

San Mateo 6:1 Mawu Ofanana

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 16:6

Saa ndi̱kaꞌan Jesús xiꞌin nda, káchi ra saa: ―Koto vaꞌa ndo, kuenta ni koo ndo xiꞌin uxan iya nda fariseo xiꞌin nda saduceo ―káchi ra xiꞌin nda.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 23:5

Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 5:46

Tá tu ndisaa naꞌa na kúꞌvi ini xíni ndóꞌo̱, kúꞌvi ini ndo xíni ndo, ta köo ndáa yaꞌvi ya nuu Ndioxi, chi saa íkan tu naꞌa, na köo xíni ichí Ndioxi va.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Mateo 6:16

’Tá xíxi suꞌun ndo, ta sïndikava ndo ini ndo, tá kuꞌva íkan naꞌa, na uvi ini. Saa chi saa íkan na ikán, síndikava na ini na ya kúni na ná kuni naꞌa ya xíxi suꞌun na. Xaꞌa ya íkan na saa ta xa ndi̱niꞌi na ya vaꞌa nuu naꞌa, ta köo ka ya vaꞌa niꞌi na nuu Ndioxi.

San Mateo 6:9

Ta vaꞌa, tá káꞌan ndo xiꞌin ra, ta soꞌva kaꞌan ndo xiꞌin ra: “Tata Iva yo Ndioxi, ra íyo nuu ndivi, ná xaa toꞌo ni naꞌa kivi un.

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 11:35

Xaꞌa ya ñaa kua xaa kuenta vaꞌa un xiꞌin mií un, koto ndoso un mií un án ndixa kua xíka un nuu yéꞌe̱ süvi ka vi ya kaka un nuu naá.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 12:15

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

San Lucas 16:15

Saa ndi̱kaꞌan ra xiꞌin nda, káchi ra saa: ―Ndóꞌo̱ ta ndása vaꞌa ni ndo mií ndo nuu naꞌa. Sundi Ndioxi ta xíni vaꞌa ra nima ndo köo íyo ndaku ini ndo. Ndiꞌi ñaꞌa ya ndee ni ndáa yaꞌvi nuu ndo ñuu ivi yóꞌó ta köo ndáa yaꞌvi ya nuu Ndioxi, ya kúndasi nuu va ra ku ya ―káchi Jesús xiꞌin nda.

San Juan 12:43

Saa chi kúni ka nda kaꞌan vaꞌa na ivi yóꞌó xaꞌa nda, ta köo ndíꞌi ini nda ya kaꞌan vaꞌa Ndioxi xaꞌa nda.

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

Los Hechos 3:12

Tá xi̱ni ra Pedro ndiꞌi na ikán, ta ndi̱kaꞌan ra xiꞌin na káchi ra saa: ―Ndóꞌo̱ na taꞌan yo, na Israel, ¿ndachu ndíkanda ni ini ndo xíto ndo ya ndo̱ꞌo ra yóꞌó? saa xíto ni ndo nuu nde ¿Án vaꞌa ni taa kúu nde yakan vaꞌa si̱ndaꞌa nde ra, káꞌán ndo? ¿Xiꞌin ndee mií nde si̱ndaꞌa nde ra, káꞌán ndo? Ta süvi saa íyo ya.

Gálatas 6:12

Ta naꞌa, na xáa nduxa xiꞌin ndo ya ndikunuu tuni Ndioxi ndóꞌo̱, ta íkan na saa xiꞌin ndo chi kúni na kindoo vaꞌa na nuu na judío, na káꞌan ya xíniñuꞌu ndo ndikunuu tuni Ndioxi ndóꞌo̱. Ta íkan na saa chi köo kúni na kunduvaꞌa na judío xiꞌin na tá tu ná ndituꞌun na ndisaa xaꞌa ya ndo̱ꞌo Jesucristo ndi̱xiꞌi ra nuu cruzin.

HEBREOS 11:26

Ta chi̱kaa ni ini ra vaꞌa ka tixuꞌvi ra ndoꞌo ra tá kuꞌva ndoꞌo ni mií Cristo, ta köo ndi̱kuni ra ya kuika kúu mií na ñuu Egipto. Saa chi ndee ni tuun ndáa ini ra xíto ra nuu ya vaꞌa niꞌi ra nuu Ndioxi.

HEBREOS 2:1

Xaꞌa ya yóꞌó kua xíniñuꞌu yo chikaa ni soꞌo yo xaꞌa tuꞌun Ndioxi ya xi̱ni soꞌo yo ya ná sïndoo yo ichí ra, ta ná kandixa ni ka yo ra.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.