San Mateo 5:7 - Xochapa Mixteco

⁷ ’Vaꞌa ni kée ndo tá kúndaꞌvi ni ini ndo xíni ndo inka naꞌa, chi saa kundaꞌvi ni ini Ndioxi kuni ra ndóꞌo̱.

San Mateo 5:7 Mawu Ofanana

San Marcos 11:25

Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

ROMANOS 11:30

Saa ndóꞌo̱, yachi ta köo ndi̱xiin ndo kandixa ndo Ndioxi. Ta vitin ndi̱niꞌi ndo ya vaꞌa nuu ra, ku̱ndaꞌvi ini ra xi̱ni ra ndóꞌo̱, xaꞌa ya köo ndi̱xiin na judío kandixa na ra.

1 Corintios 7:25

Ta xaꞌa nda kuâán xiꞌin ná kuâán taki ná täꞌan tindaꞌa, ta köo ñaꞌa ndíxaꞌnda chiñu Tata yo nuu i xaꞌa na. Sundi vaꞌa va kaꞌan i xiꞌin ndo ndá kuꞌva ku ya ndíkani ini i, saa chi ta̱xi Tata yo ya xínituni i ndaꞌa i xaꞌa ya kúndaꞌvi ni ini ra xíni ra yeꞌe.

2 Corintios 4:1

Ta ndeꞌe ta köo ndíko koo ini nde xiꞌin chiñu ya ta̱xi Ndioxi ndaꞌa nde íkan nde, chi xaꞌa ya kúndaꞌvi ni ini ra xíni ra ndeꞌe va kua ta̱xi ra chiñu yóꞌó ndaꞌa nde.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Colosenses 3:12

Chi mií Ndioxi ku ra ndi̱kaxin ndóꞌo̱ xaꞌa ya kúꞌvi ni ini ra xíni ra ndóꞌo̱ ya nduu ndo na ñuu ra, na i̱í. Xaꞌa ya ñaa kua xíniñuꞌu ndo koo vií ndo xiꞌin taꞌan ndo, kundaꞌvi ini ndo kuni ndo naꞌa, saa ikan ndo ya vaꞌa xiꞌin na, xaa toꞌo taꞌan ndo, xaꞌa ndee ini ndo xiꞌin taꞌan ndo.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

1 Timoteo 1:16

Xaꞌa ya ikán kua ku̱ndaꞌvi ni ini Tata yo Jesucristo xi̱ni ra yeꞌe. I̱kan ra saa xiꞌin i ya kúni ra ná kuni naꞌa ya ndee ni kaꞌnu ini ra xiꞌin na ndee ni ndee kuachi kúu mií nuu ra. Ta kúni ra ná kuni na ya ndo̱ꞌo i, ta saa kuchiñu na kandixa na ra, ta saa niꞌi na kutaku na xiꞌin ra ndiꞌi saa kivi ya vaxi.

HEBREOS 4:16

Yakan vaꞌa ná kuyati yo nuu ra tá ndóꞌni yo nuu tindoꞌo ta ná ku ïꞌvi yo kuyati yo nuu ra, chi ndee ni vaꞌa ra, kúndaꞌvi ni ini ra xíni ra yoo, yakan kúꞌvi ni ini ra xíni ra yoo, ta saa chindee ra yoo tá ñúꞌu yo nuu tindoꞌo, ta ná kuyati yo nuu íyo ra xáꞌnda chiñu ra.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.

Santiago 3:17

Sundi naꞌa, na kúu mií ya ndíchi vaxi nuu Ndioxi ta köo ikán na ñaꞌa ya väꞌa, nina ya vaꞌa íkan na, ni köo kuachi ini na, saa kúu na, naꞌa na vaꞌa ni ini xiꞌin na ivi, kúndaꞌvi ini na xíni ñaꞌa na, ndiꞌi saa ichí kúni na xaa súvi na ya vaꞌa. Saa íkan na ya vaꞌa xiꞌin ndiꞌi naꞌa, ta köo íyo uvi yuꞌu na, na íkan saa ku na ndixa ndíkun ichí Ndioxi.

1 Pedro 2:10

Chi xa xíni mií ndo tá yachi ta ndaꞌvi ni ndi̱xiyo ndo, tá íyo ndo ndi̱xika ndaꞌvi saa ndi̱xiyo ndo, ta vitin ndi̱kuiso vií Ndioxi ndóꞌo̱ ndu̱u ndo na ñuu mií ra. Chi yachi ta ni köo ndïkuvi kundaꞌvi ini ra kuni ra ndóꞌo̱, ta vitin ta ndiniꞌi taꞌvi ndo nuu ra kúndaꞌvi ni ini ra xíni ra ndóꞌo̱.