San Mateo 5:47 - Xochapa Mixteco

⁴⁷ Tá tu káꞌan toꞌo ndo xiꞌin ndisaa na taꞌan ndo, ta saa ni köo ndáa yaꞌvi ya nuu Ndioxi. Chi nda na köo kándixa Ndioxi ta saa íkan tu na ikán va xiꞌin taꞌan na.

San Mateo 5:47 Mawu Ofanana

San Mateo 10:12

Tá ndi̱kiꞌvi ndo ini veꞌe nuu xíto ndo koo ndo, ta kaꞌan ndioxi ndo xiꞌin na. Kaꞌan ndo xiꞌin na ná koo vaꞌa ni ini na, kachi ndo xiꞌin na. Saa ndoo ndo koo ndo xiꞌin na.

San Mateo 5:20

Ya ndixa káꞌan i xiꞌin ndo, tá tu köo íkan ndo ya vaꞌa ndinuꞌu nuu Ndioxi, ta küchiñu ndo kiꞌvi ndo koo ndo nuu xáꞌnda chiñu ra. Yakan tá tu kúni ndo kiꞌvi ndo nuu xáꞌnda chiñu ra, ta xíniñuꞌu ndo vaꞌa ni ka ikan ndo ya vaꞌa nuu taꞌan ya íkan nda fariseo xiꞌin nda sínaꞌa ley Ndioxi ―káchi Jesús xiꞌin na.

San Mateo 5:46

Tá tu ndisaa naꞌa na kúꞌvi ini xíni ndóꞌo̱, kúꞌvi ini ndo xíni ndo, ta köo ndáa yaꞌvi ya nuu Ndioxi, chi saa íkan tu naꞌa, na köo xíni ichí Ndioxi va.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Lucas 6:32

’Tá tu kúꞌvi ini ndo xíni ndo ndisaa na kúꞌvi ini xíni ndóꞌo̱, ta köo ndáa yaꞌvi ya nuu Ndioxi, saa chi saa íkan tu naꞌa, na köo xíni Ndioxi va.

Colosenses 4:14

Saa tu ra ñani yo ra Lucas, ra kúꞌvi ni ini i xíni i, ra xáa tatan naꞌa, xiꞌin ra Demas ñani yo, tíꞌvi ni nda tuꞌun mani xaa nuu ndo.

Colosenses 4:15

Saa kaꞌan ndioxi ni ndo xiꞌin nda ñani yo tin ná kuꞌva yo, na ndóo ñuu Laodicea, ta kaꞌan ndioxi ni tu ndo xiꞌin yá kuꞌva yo yá Ninfas xiꞌin na kándixa Jesucristo, na ndíkitaꞌan veꞌe yá.

1 Pedro 2:20

Tá ndá ndóꞌo̱ tíxuꞌvi xaꞌa ya väꞌa íkan ndo, ta köo xíniñuꞌu naꞌa kaꞌan vaꞌa na xaꞌa ndo ya tíxuꞌvi ni ndo. Sundi tá tu vaꞌa ni kéꞌe ndo, ta vaꞌa xaꞌa ndee ni ini ndo xaꞌa ya tíxuꞌvi ni ndo íkan na, chi tá xáꞌa ndee ini ndo ta vaꞌa ni kúni Ndioxi xiꞌin ndo.