San Mateo 5:45 - Xochapa Mixteco

⁴⁵ Ikan ndo ya vaꞌa xiꞌin na, ta saa kundaa ini naꞌa ya ndixa kúu ndo seꞌe Ndioxi, ra íyo nuu ndivi. Chi saa mií ra íkan ra ya vaꞌa xiꞌin ndiꞌi naꞌa, táxi ra ndíyeꞌe ñu̱ꞌu̱ nuu na väꞌa xiꞌin na vaꞌa, saa ni síkuun ra savi sata na vaꞌa xiꞌin na väꞌa.

San Mateo 5:45 Mawu Ofanana

San Mateo 5:9

’Vaꞌa ni kée ndo tá tu ndáꞌva ndo kuachi xiꞌin naꞌa, na káni taꞌan, saa chi vaxi kivi ta kunani ndo seꞌe Ndioxi.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Juan 13:35

Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

Los Hechos 14:17

Vani ndiꞌi saa ichí si̱naꞌa ra mií ra nuu naꞌa xaꞌa ya vaꞌa i̱kan ra. Chi suvi ra síkuun savi yakan vaꞌa kána ñaꞌa chíꞌi yo, saa táxi ra xíxi yo xiꞌin ya kúsini yo ―káchi ra Pablo xiꞌin na.

Efesios 5:1

Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

1 Juan 3:9

Ndiꞌi na kúu seꞌe Ndioxi ta köo íkan ka na ya väꞌa, chi Ndioxi ta xa íyo ra nima na, yakan küvi ka ikan na ya väꞌa, chi na xa ndi̱kaku uvi ku na i̱kan ra, ndu̱u na seꞌe ra.