San Mateo 5:40 - Xochapa Mixteco

⁴⁰ Tá ndá naꞌa káꞌan kuachi xaꞌa ndo nuu na chiñu, ta kúni na kindaa na toto ndo ndaꞌa ndo, ta vaꞌa taxi ndo toto ndo ndaꞌa na, nda chilo ndo taxi ndo ndaꞌa na.

San Mateo 5:40 Mawu Ofanana

San Mateo 5:39

Ta yeꞌe káchi saa xiꞌin ndo, ndïko koo ndo ikan ndo saa xiꞌin naꞌa, na íkan ndá ka ñaꞌa xiꞌin ndo. Tá ndá naꞌa ka̱ni xaꞌnda iin ñaꞌñu nuu ndo, ta käni taꞌan ndo xiꞌin na, vaꞌa sindiko koo ndo inka ñaꞌñu nuu ndo ná kani na ndóꞌo̱.

San Mateo 5:41

Tá ndá naꞌa xáa nduxa xiꞌin ndo kuiso ndo ñaꞌa na kuꞌun xiꞌin ndo iin mil metro, ta vaꞌa kundiso ndo ñaꞌa na kuꞌun xiꞌin ndo uvi mil metro.

San Lucas 6:29

Tá tu ndá na káni xaꞌnda nuu ndo, ta sindiko koo ndo inka ñaꞌñu nuu ndo ná kani na ndóꞌo̱. Tá íyo iin ra kúni kindaa chilo ndo ndaꞌa ndo, ta vaꞌa taxi ndo ya ná kuꞌun ya xiꞌin ra. Nda tikoto ndo soko ndo ná kuꞌun xiꞌin ra.

1 Corintios 6:7

Saa chi ya kánitaꞌan ndo xiꞌin taꞌan mií ndo ta ya kaꞌa̱n ni nuu ku ya. Chi vaꞌa ka kua ná ikan na ñani yo ya väꞌa xiꞌin ndo án sikuiꞌna na ñaꞌa ndo, ta xaꞌa ndee ini ndo xiꞌin na, ta küꞌun ndo taxi ndo kuachi xaꞌa na nuu na chiñu.

1 Corintios 7:36

Ta sava tu nda ndíkani ini vaꞌa ka kua ná tindaꞌa nda xiꞌin yá xa íyo yuꞌu nda xiꞌin, chi xa kuaꞌan yáꞌa kuiya yá ya tindaꞌa yá káchi na, ta vaꞌa ná ndikiꞌin taꞌan na, ná tindaꞌa na xiꞌin taꞌan na, süvi kuachi ku ya nuu Ndioxi.