San Mateo 5:30 - Xochapa Mixteco

³⁰ Tá tu ndaꞌa kuáꞌá ndo kua táxi ichí ya kiꞌvi ndo kuachi, ta vaꞌa ka kaꞌnda ndo ya, tava ndo ya mií ndo, vaꞌa ka kua ná ndiꞌi xaꞌa iin ñaꞌñu ikin kuñu ndo, süvi ka vi ya ndiꞌi xaꞌa ndiꞌi ikin kuñu ndo kuꞌun ndo ndaya ―káchi Jesús.

San Mateo 5:30 Mawu Ofanana

San Mateo 11:6

Vaꞌa ni kée naꞌa, na köo xíka uvi ini xaꞌa ya ndíkun na yeꞌe ―káchi Jesús xiꞌin nda ítaꞌan xiꞌin ra Juan.

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Mateo 16:23

Saa ndi̱ko koo Jesús ndi̱kaꞌan ra xiꞌin ra, káchi ra saa: ―¡Kuataꞌa nuu i, Timiaꞌa! Saa chi sási un nuu i ya ná ïkan i ya kúni Iva i Ndioxi. Chi yóꞌo̱ ta köo ndíkani ini un tá kuꞌva ndíkani ini Ndioxi. Ndíkani ini un tá kuꞌva ndíkani ini na ñuu ivi yóꞌó va ―káchi Jesús xiꞌin ra Pedro.

San Mateo 17:27

Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.

San Mateo 18:8

’Tá ndá ya väꞌa íkan ndo xiꞌin ndaꞌa ndo án xaꞌa ndo, ta vaꞌa ka kaꞌnda ndo ya ta kiꞌin ndo ya kata xika ndo. Kuchiñu ka ndo koo ndo xiꞌin Ndioxi tá íyo iin ndaꞌa ndo án iin xaꞌa ndo, ta süvi ka vi ya íyo uvi saa ndaꞌa ndo án xaꞌa ndo, ta kuꞌun ndo ndaya.

San Mateo 22:13

Saa ndi̱kaꞌan ra rey xiꞌin nda moso ra, káchi ra saa: “Tiin ndo ra katun ndo ndaꞌa ra tin xaꞌa ra, saa tava ndo ra keꞌe ta chikaa ndo ra nuu naá ni, nuu ndee ni kuaku ra, tixuꞌvi ni ra ndakua ndikaxi nuꞌu ra”, káchi ra rey ikán.

San Mateo 25:20

Saa ndi̱xaa xiꞌna ra ndi̱kiꞌin uꞌun talento ndi̱kaꞌan ra xiꞌin xitoꞌo ra, káchi ra saa: “Tata, uꞌun ku xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i inka uꞌun siki ya”, káchi ra xiꞌin xitoꞌo ra.

San Mateo 26:31

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndiꞌi ndo sindikoo ndaꞌa yeꞌe ñǔu vitin, ta ikán ku nuu xinu tuꞌun Ndioxi ya ta̱a na xaꞌa i xinaꞌa, káchi ya saa: “Sitikueꞌe i ra paxto ndáa levo, ta iin kuita yava ndiꞌi ri kuꞌun ri”, káchi tuꞌun Ndioxi ta̱a na xaꞌa i.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Mateo 5:29

Xaꞌa ya ñaa kua káꞌan i xiꞌin ndo, tá tu xiꞌin nduchi nuu kuáꞌá ndo ku ya kuakiꞌvi ndo kuachi, ta vaꞌa tava ndo ya sikana ndo. Vaꞌa ka kua ná ndiꞌi xaꞌa iin ñaꞌñu ikin kuñu ndo, süvi ka vi ya ndiꞌi vaꞌa xaꞌa ndo kuꞌun ndo ndaya.

San Marcos 9:43

Saa ndi̱kaꞌan ka ra xiꞌin nda káchi ra saa: ―Saa tu ndóꞌo̱ va, tá tu ndaꞌa ndo kua xáa kíꞌvi xiꞌin ndo, ya íkan ndo ya väꞌa, ta vaꞌa ka kaꞌnda ndo ya chi vaꞌa ka koo ndo kutaku ndo xiꞌin Ndioxi tá tu íyo iindaa ndaꞌa ndo, süvi ka vi ya íyo uvi saa ya, ta kuꞌun ndo ndaya nuu köo ndáꞌva ñu̱ꞌu̱,

San Lucas 12:5

Ta vaꞌa ná kaꞌan i xiꞌin ndo ya kundaa ini ndo unku na xíniñuꞌu ndo ku íꞌvi ndo nuu: Ndioxi ku ra xíniñuꞌu ndo ku íꞌvi ndo nuu, saa chi kúu mií ra ichí kaꞌni ra ndóꞌo̱ ta saa taan ra ndóꞌo̱ ndaya. Ra ikán ku ra ku íꞌvi ndo kuni ndo ―káchi Jesús xiꞌin na.

San Lucas 17:2

Vaꞌa ka án yachi ndi̱tikaa na iin yu̱ú itun molinu sukun na ta kiꞌin ñaꞌa na sikana na ini nduta ñûꞌu ya ndiꞌi xaꞌa na, ya ná täa sii na na vali ndíkun sata i ya kiꞌvi na kuachi.

ROMANOS 9:33

Tuꞌun Ndioxi ya ta̱a na xinaꞌa, káchi ya saa: Koto ndo chi tiꞌvi i iin taa xaa ra ñuu Jerusalén. Tá íyo yu̱ú ya kákiꞌi xaꞌa naꞌa, saa koo ra. Ta na kóyo nuu yu̱ú ikán, ta ndee ni tixuꞌvi na. Sundi naꞌa na kándixa ra ta ndïko koo ini na xaꞌa ya kándixa na ra, káchi Ndioxi xaꞌa ra.

1 Corintios 8:13

Yakan tá xaꞌa ya xíxi yo kuñu kua síndikava yo na taꞌan yo nuu kuachi, ta vaꞌa ka kua ná küxi ka yo kuñu nda iin ichí, ya ná täxi yo koyo na taꞌan yo nuu kuachi.

Gálatas 5:11

Ñani yo, tá tu yeꞌe sínaꞌa ku i naꞌa xaꞌa ya ná xaa súvi ka na costumbre ya ndikunuu tuni Ndioxi na, ni na judío ta xäa nduvaꞌa ka na xiꞌin i, ndíkuu. Chi tá saa ná kaꞌan i xiꞌin na ta säa ka ini na kuni yeꞌe xaꞌa ya sínaꞌa i ya ndi̱xiꞌi Jesucristo nuu cruzin xaꞌa kuachi yo, ndikuu.

1 Pedro 2:8

Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.