San Mateo 5:28 - Xochapa Mixteco

²⁸ Ta ya ndaa ni ndixa kua saa íyo ya, nda tá xíto ndaa iin taa ñaꞌa ta ndíkani kiꞌvi ini ra xíni ra yá, nda tá káa ra xa ndi̱kixi xiꞌin va yá saa káa ra, xaꞌa ya ndi̱kani ini ra saa.

San Mateo 5:28 Mawu Ofanana

San Mateo 15:19

Saa chi ya väꞌa ndíkani ini na ta chí nima na kána koo ya. Ta ya ikán kua chíndaꞌa na kaꞌni na ndìì, án ya kaka sii na xiꞌin taꞌan na, saa tu ya kuakiꞌvi na kuâán xiꞌin taꞌan na, xiꞌin ndiꞌi ka ya kini íkan na, saa tu ya síkuiꞌna na tin ya káꞌan vata na xiꞌin ya kánaꞌa na xaꞌa inka naꞌa.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Mateo 5:39

Ta yeꞌe káchi saa xiꞌin ndo, ndïko koo ndo ikan ndo saa xiꞌin naꞌa, na íkan ndá ka ñaꞌa xiꞌin ndo. Tá ndá naꞌa ka̱ni xaꞌnda iin ñaꞌñu nuu ndo, ta käni taꞌan ndo xiꞌin na, vaꞌa sindiko koo ndo inka ñaꞌñu nuu ndo ná kani na ndóꞌo̱.

ROMANOS 7:14

Ta xa kúndaa ini yo ley Ndioxi ta mií ra chi̱nduꞌu ya, ya ke̱e ndivi ku ya. Ta yeꞌe ta ra ñuu ivi yóꞌó va ku i, tá káa iin ra núꞌni káa i ndíkaa i ndaꞌa kuachi i chi xáꞌnda chiñu ya nuu i.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

1 Juan 2:16

Saa chi kuꞌva íyo na ñuu ivi yóꞌó ta süvi tá kuꞌva kúni Ndioxi kua, kuꞌva kúni mií va na kua, tá kúu xíni yo sava ná síꞌi ta ndikun ndíkani väꞌa ini yo xiꞌin ná, saa tu ya kúni yo ndiꞌi ñaꞌa ya luvi ni náꞌa íyo ñuu ivi yóꞌó, ta saa tu ya kútai ni ini yo xiꞌin ñaꞌa yo, ndiꞌi ya yóꞌó ta süvi ndaꞌa Ndioxi vaxi ya. Ñaꞌa íyo ivi yóꞌó va kua.