San Mateo 5:24 - Xochapa Mixteco

²⁴ ta vaꞌa sindoo ndo ñaꞌa sóko ndo nuu Ndioxi nuu íyo ndo táxi ndo ya ndaꞌa ra. Saa kuꞌun ndo nuu na íyo kuachi xiꞌin ndo, nduku ndo ya mani nuu na, ndikitaꞌan vaꞌa ndo xiꞌin na. Ta saa ndiko koo ndo taxi ndo ñaꞌa ya sóko ndo nuu Ndioxi.

San Mateo 5:24 Mawu Ofanana

San Mateo 23:23

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra.

San Mateo 5:23

’Yakan kua, tá tu ndíso ndo ñaꞌa kuaꞌan xiꞌin ndo soko ndo nuu Ndioxi veꞌe ñuꞌu kaꞌnu, ta ndi̱kaꞌán ini ndo íyo kuachi ndo nuu ñani ndo,

San Marcos 9:50

Ya vaꞌa ku i̱ín, chi ndása yasin ya ñaꞌa xíxi yo. Sundi tá ndíꞌi ya uꞌva ya, ta küchiñu ka nduu uꞌva tuku ya, yakan ndóꞌo̱ ta xíniñuꞌu ndo kuu ndo ivi na vaꞌa, taꞌan i̱ín ya vaꞌa. Ta xíniñuꞌu ikan ndo ya vaꞌa xiꞌin naꞌa, ta vívií koo ndo xiꞌin ndiꞌi na taꞌan ndo ―káchi Jesús.

1 Corintios 11:28

Yakan kuenta ni koo ndo xiꞌin mií ndo, xiꞌna koto ndoso ndo mií ndo, án vaꞌa íyo ndo nuu Tata yo, ta saa kuxi ndo tin koꞌo ndo vino.

1 Timoteo 2:8

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.

Santiago 5:16

Xaꞌa ya ñaa kua xíniñuꞌu ndo naꞌma ndo kuachi ndo nuu taꞌan ndo, saa kaꞌan ndo xiꞌin Ndioxi xaꞌa taꞌan ndo. Ikan ndo saa ya ná sindaꞌa Ndioxi ndóꞌo̱. Chi ndiꞌi naꞌa, na íyo vaꞌa nuu ra, ta xíni soꞌo va ra ya ndúku na nuu ra.