San Mateo 5:23 - Xochapa Mixteco

²³ ’Yakan kua, tá tu ndíso ndo ñaꞌa kuaꞌan xiꞌin ndo soko ndo nuu Ndioxi veꞌe ñuꞌu kaꞌnu, ta ndi̱kaꞌán ini ndo íyo kuachi ndo nuu ñani ndo,

San Mateo 5:23 Mawu Ofanana

San Mateo 23:19

¡Nda kíꞌvi, nda kuáa̱ ku ndo! ¿Unkua chee xíniñuꞌu ni ka? ¿Án ya sóko na kua chee ka, án mií nama i̱í ikán kua chee ka? Saa chi nama i̱í veꞌe ñuꞌu kaꞌnu ku ya ndása i̱í ndiꞌi ñaꞌa ya sóko naꞌa nuu Ndioxi.

San Mateo 5:24

ta vaꞌa sindoo ndo ñaꞌa sóko ndo nuu Ndioxi nuu íyo ndo táxi ndo ya ndaꞌa ra. Saa kuꞌun ndo nuu na íyo kuachi xiꞌin ndo, nduku ndo ya mani nuu na, ndikitaꞌan vaꞌa ndo xiꞌin na. Ta saa ndiko koo ndo taxi ndo ñaꞌa ya sóko ndo nuu Ndioxi.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Marcos 11:25

Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo.

San Lucas 19:8

Ñaa ndi̱kundichi ra Zaqueo xa̱á ra káꞌan ra xiꞌin Tata yo Jesús káchi ra saa: ―Koto un, Tata, vitin ta iin nditaꞌvi sava i ñaꞌa kúu mií i xiꞌin na ndaꞌvi. Ta sindiko koo ndiꞌi tu i ñaꞌa tá kúu na si̱ndaꞌvi i, nda kumi ichí ka kuaꞌa nduu ya sindiko koo i ndaꞌa na ―káchi ra xiꞌin Jesús.