San Mateo 5:22 - Xochapa Mixteco

²² Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Mateo 5:22 Mawu Ofanana

San Mateo 10:17

Kuenta ni koo ndo xiꞌin naꞌa, saa chi taxi na ndóꞌo̱ ndaꞌa na ndíso chiñu xiꞌin veꞌe ñuꞌu sinagoga, ta ikán ndikitaꞌan na xaa nduvaꞌa ni na xiꞌin ndo, kani ni na ndóꞌo̱.

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 18:21

Saa ku̱yati ra Pedro nuu Jesús ta ndi̱kaꞌan ra xiꞌin ra, káchi ra saa: ―Tata, tá ndá iin ñani i íkan ya väꞌa xiꞌin i, ta ¿ndisaa ichí xíniñuꞌu i xaa kaꞌnu ini i xaꞌa na? ¿án ndisaa uxa ichí xíniñuꞌu i xaa kaꞌnu ini i xaꞌa na? ―káchi ra.

San Mateo 18:35

Saa ndi̱kaꞌan ka ra xiꞌin na, káchi ra saa: ―Tá i̱kan ra rey ikán saa ikan Iva i Ndioxi ra íyo nuu ndivi xiꞌin ndo, tá tu köo ndinuꞌu ini ndo xáa kaꞌnu ini ndo xaꞌa ya íkan na taꞌan ndo xiꞌin ndo ―káchi Jesús xiꞌin na.

San Mateo 23:15

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 26:59

Ndiꞌi nda sutu nda naꞌnu nuu sutu xiꞌin na xikuaꞌa veꞌe ñuꞌu ndi̱xaa nda ndúku nda kuachi siki xaꞌa ra, saa kuchiñu nda nditaxi nda ra ndaꞌa naꞌa ya kaꞌni ñaꞌa na.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

San Mateo 5:34

Ta yeꞌe káꞌan i xiꞌin ndo, väꞌa chinaꞌa ndo Ndioxi, ni nda iin ñaꞌa küvi chinaꞌa ndo, ni nuu ndivi ta küvi chinaꞌa ndo, chi nuu xáꞌnda chiñu Ndioxi ku ya.

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

San Marcos 14:55

Ta ndiꞌi mií nda sutu naꞌnu xiꞌin nda chiñu naꞌnu ndúku nda naꞌa kaꞌan siki xaꞌa ra ya kuchiñu chikaa nda kuachi ra ya ná kuvi ra, ta nda iin kuachi ra köo ndi̱niꞌi nda.

San Marcos 15:1

Ndi̱tuvi inka kivi xitaan, naꞌa ni ndi̱kitaꞌan nda naꞌnu nuu sutu xiꞌin nda xikuaꞌa tin nda sínaꞌa ley Ndioxi ya ta̱a ra Moisés, xiꞌin ndiꞌi inka nda chiñu naꞌnu. Tá sindiꞌi ndi̱tuꞌun taꞌan nda saa ka̱tun nda Jesús ti̱ꞌvi nda ra kuaꞌan ra nuu ra gobernador Pilato.

San Lucas 12:5

Ta vaꞌa ná kaꞌan i xiꞌin ndo ya kundaa ini ndo unku na xíniñuꞌu ndo ku íꞌvi ndo nuu: Ndioxi ku ra xíniñuꞌu ndo ku íꞌvi ndo nuu, saa chi kúu mií ra ichí kaꞌni ra ndóꞌo̱ ta saa taan ra ndóꞌo̱ ndaya. Ra ikán ku ra ku íꞌvi ndo kuni ndo ―káchi Jesús xiꞌin na.

San Lucas 22:66

Saa tá ndi̱tuvi ta ndi̱kitaꞌan ndiꞌi na xikuaꞌa xiꞌin nda sínaꞌa ya ta̱a ra Moisés tin nda sutu naꞌnu. Ndi̱kitaꞌan ndiꞌi nda ndóo nda nuu kúnani kuachi naꞌa. Saa ndáka nda lapa Jesús ndi̱xaa ra nuu nda ikán. Ñaa xa̱á nda káꞌan nda xiꞌin ra, káchi nda saa:

San Juan 11:47

Saa ndi̱kitaꞌan nda fariseo xiꞌin nda sutu naꞌnu, nda ndóso nuu sutu nda xáꞌnda chiñu nuu na judío, káchi nda saa: ―¿Unkua ikan yo vitin? Ra yóꞌó ta yaꞌa ni kuaꞌa yatuꞌun íkan ra.

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Juan 7:20

Saa ndi̱kuiin ndiꞌi na káꞌan na, káchi na saa: ―Tachi nduvaꞌa kúu mií un. ¿Unku na káꞌan kaꞌni yóꞌo̱ ra? ―káchi na xiꞌin ra.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

Los Hechos 17:18

Ta sava nda xíka ikán ku nda ndíchi ni chi si̱kuaꞌa nda xiꞌin na náni epicúreos, ta sava nda si̱kuaꞌa xiꞌin na náni estoicos xa̱á nda káꞌan nda xaꞌa ra, káchi nda saa: ―¿Unkua káꞌan ví ra? ra síndaꞌvi naꞌa va ku ra ―káchi nda. Ta inka na káꞌan: ―Ra xíka káꞌan ndoso xaꞌa inka ndioxi va ku ra ―káchi nda. Saa káchi nda chi xi̱ni soꞌo nda káꞌan ra tuꞌun vaꞌa xaꞌa Jesús ta káꞌan ra xiꞌin na ya ndi̱taku ra.

Los Hechos 22:30

Saa ndi̱tuvi inka kivi ta kúni ra ndíso chiñu xiꞌin nda lapa ikán kundaa vaꞌa ka ini ra xaꞌa ra Pablo ndá xaꞌa kua ta̱xi na judío kuachi xaꞌa ra. Ñaa nda̱xin ra cadena núꞌni ra, ta saa ka̱na ra nda sutu naꞌnu xiꞌin na xikuaꞌa nuu na judío, ndi̱kitaꞌan ndiꞌi na ndóo na, ta saa ta̱va ra ra Pablo, ki̱ꞌin ñaꞌa ra ka̱ndichi ra nuu na.

Los Hechos 23:1

Saa ndi̱koto ra Pablo nuu ndiꞌi na xikuaꞌa ndóo ikán, ta ndi̱kaꞌan ra xiꞌin na, káchi ra saa: ―Na taꞌan yo, nda kivi vitin ta íyo vaꞌa ni va ya xínituni i nuu Ndioxi ―káchi ra xiꞌin na.

Los Hechos 24:20

Tá tu köo, ta vaꞌa ná kaꞌan tu mií nda ndóo yóꞌó va ndá kuachi kua ndi̱taꞌan nda yeꞌe tá ndi̱xaꞌan i ndi̱kaꞌan i nuu na chiñu naꞌnu.

Los Hechos 4:15

Ñaa xa̱ꞌnda na chiñu ya ná kee nda keꞌe. Saa ta̱va na nda keꞌe, ta ndi̱ndoo na káꞌan xiꞌin taꞌan mií na,

Los Hechos 5:21

Ñaa ke̱e nda kuaꞌan nda, ta ndi̱tuvi inka kivi xitaan, xa̱á nda sínaꞌa nda naꞌa keꞌe veꞌe ñuꞌu ikán. Ta ra sutu, ra ínuu nuu ndiꞌi sutu, ndi̱kaꞌan ra xiꞌin na xikuaꞌa na kúu mií chiñu nuu na Israel. Ka̱na ra na xa̱a na ndi̱kitaꞌan na koo junta. Ta saa xa̱ꞌnda ra sutu ikán chiñu nuu na policía ya kuꞌun na tava na nda veꞌe kàà.

Los Hechos 5:27

Ñaa ndi̱xaa tuku nda nuu na chiñu ki̱ꞌin ñaꞌa nda ka̱ndita nda nuu ndóo na íyo junta. Ta saa xa̱á káꞌan ra sutu ínuu nuu ndiꞌi sutu xiꞌin nda, káchi ra saa:

Los Hechos 6:12

Ta tixin ya siki ndi̱kaꞌan nda ikán, ku̱chiñu nda si̱saa nda ndiꞌi naꞌa xiꞌin na xikuaꞌa tin nda sínaꞌa ley Ndioxi ya ta̱a ra Moisés. Xaꞌa ya ikán kua ti̱in na ra Esteban kuaꞌan ra̱ xiꞌin na nuu ndi̱kitaꞌan ndiꞌi na chiñu ndóo na.

Los Hechos 6:15

Ñaa ndi̱koto na chiñu xiꞌin ndiꞌi ka na ndóo ikán, ndi̱koto na nuu ra Esteban. Tá káa nuu tatun Ndioxi saa ndu̱u nuu ra xi̱ni na.

Los Hechos 7:37

Suvi ra Moisés ikán ku ra ndi̱kaꞌan xiꞌin xii sikua yo: “Vaxi kivi ta tiꞌvi Ndioxi iin ta̱a, raza mií yo Israel yóꞌó koo ra tiꞌvi Ndioxi kixi ra kaꞌan ndoso ra tuꞌun yuꞌu Ndioxi xiꞌin naꞌa. Tá kuꞌva íyo yeꞌe káꞌan ndoso i tuꞌun yuꞌu ra xiꞌin ndo, saa koo ra kixi, ta kuni soꞌo ndo ya kaꞌan ra ikán xiꞌin ndo”, káchi ra Moisés xiꞌin na.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

1 Corintios 6:10

ni na kuiꞌna, ni na kútoo ni ya kuika, ni na xíꞌi ni, ni na síndaꞌvi naꞌa, ni na kánaꞌa xiꞌin inka naꞌa, nda iin na yóꞌó küchiñu koo nuu xáꞌnda chiñu Ndioxi.

1 Corintios 6:6

¿Án ndakua nuu na chiñu, na köo xíni Ndioxi vi xíniñuꞌu iin ñani yo kuꞌun ra taxi ra kuachi xaꞌa inka ñani yo ra íyo kuachi xiꞌin ra? ¿Ta ndachu kuaꞌan ndo nuu na chiñu ñaa xaa nani na kuachi xiꞌin ndo ta ni süvi na kándixa Jesucristo ku na?

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

Tito 3:2

Ta ná käꞌan väꞌa na xaꞌa nda iin naꞌa, ná täva na kuachi xiꞌin taꞌan na, vívií ná koo na xiꞌin taꞌan na, ni̱nu̱ ná koo ini na xiꞌin ndiꞌi na taꞌan na.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

Santiago 2:20

Ta vaꞌa ná kundaa ini ndo chi väꞌa vi kéꞌe ndo, tá íkan ndo saa ndisaa ndáa ini ndo xíni ndo Tata yo, ta köo xáa súvi ndo chiñu xáꞌnda chiñu ra nuu ndo, ya ñaa ta köo ndáa yaꞌvi vi ya, ya uun kuiti va ku ya.

Santiago 3:6

Tá káa ñu̱ꞌu̱ yeꞌe ya xíxi, saa káa yaá yo ya íyo yuꞌu yo, chi táxi ya kaꞌan yo tuꞌun kini ni. Ta ndiꞌi tuꞌun kini káꞌan yo ta xáa yakua ya yoo, ndúu kini yo, chi ndaya nuu íyo kiti nǎꞌa kua kána koo ya vaxi ya, ta kúchiñu ya sítivi ya yo ivi yóꞌó.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

1 Pedro 3:9

Tá ndá na íkan ya väꞌa xiꞌin ndo, ta ïkan ndo ya väꞌa xiꞌin na, käꞌan kini ndo xiꞌin na, vaꞌa ka kaꞌan ndo xaꞌa na xiꞌin Ndioxi ná chikaa ra ya vaꞌa na, ta saa kua niꞌi tu ndóꞌo̱ va ya vaꞌa nuu ra. Chi xaꞌa ya ikán kua ka̱na ra ndóꞌo̱ ya niꞌi ndo ya vaꞌa nuu ra.

1 Juan 2:9

Tá ndá na káꞌan xíka na ichí Jesucristo, káchi na, ta kúndasi nuu na xíni na taꞌan na, ta kúni kachi ya köo xíka na nuu yéꞌe̱. Nuu naá va xíka na.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 5:16

Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.

Judas 1:9

Ni mií tatun Ndioxi ya núnu̱ú ya ndee ni ndee kúu mií ya Miguel ya xáꞌnda chiñu nuu kuaꞌa ni tatun Ndioxi, ta köo ndi̱xaꞌa ndee ini ya tavi chiꞌña ya kiti nǎꞌa tá kivi ka̱nitaꞌan ya xiꞌin ri xaꞌa ikin kuñu ra Moisés. Ta ya ndi̱kaꞌan ya xiꞌin ri kua ka̱chi ya saa: “Mií Iva i Ndioxi ná xaa nduvaꞌa ni xiꞌin un”, ka̱chi ya xiꞌin ri.

El Apocalipsis 20:14

Saa ti̱in tatun Ndioxi ndee ya xáꞌni naꞌa ta ti̱in ya inka ya náni Hades ki̱ꞌin ñaꞌa ya ta̱an ya ini yavi nuu ndee ni xíxi ñu̱ꞌu̱. Chi ikán ku nuu xíꞌi na ichí uvi.