San Mateo 5:19 - Xochapa Mixteco

¹⁹ Yakan kua, ndá ka mií ndo yáꞌa ndoso ley yóꞌó, ni loꞌo ni kua yáꞌa ndo ya, ta saa íyo ya sínaꞌa ndo naꞌa ya kandixa na ya, ta saa ikan tu Ndioxi xiꞌin ndóꞌo̱ va, vali ni koo ndo nuu xáꞌnda chiñu ra. Sundi tá ndá ka mií ndo xáa súvi ya káꞌan Ndioxi, ta saa íyo ya sínaꞌa ndo naꞌa, ta nduu ndo iin naꞌa, na ndee ni ndee ka nuu xáꞌnda chiñu Ndioxi.

San Mateo 5:19 Mawu Ofanana

San Mateo 11:11

Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo, köo nda profeta naꞌnu ni ka nuu ra Juan ra síkuchi naꞌa. Ra Juan ku ra ndee ni ndee chiñu kuu mií, ta saa ni naꞌa, na köo chiñu ndee ni ndee kúu mií taꞌan ya íkan ra Juan, ta na ikán ka ku na ndee ni ka ndee chiñu kúu mií nuu xáꞌnda chiñu Ndioxi ―káchi Jesús xiꞌin na.

San Mateo 19:28

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Mateo 20:26

Sundi ndóꞌo̱, ta ïkan ndo saa. Tá ndá iin ra kúni ra kuu ra ra chee, ra kaꞌnda chiñu nuu ndo, ta ra ikán xiꞌna xíniñuꞌu ra xaa chiñu ra nuu ndo.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Lucas 1:15

Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Lucas 11:42

Sundi ndaꞌvi ni ndóꞌo̱ fariseo, Saa chi ni táꞌvi taꞌan ndo tá uxi uxi koꞌndo iva vali chíꞌi ndo, ta táva ndo iin koꞌndo tañu iin iin ya táxi ndo ndaꞌa Ndioxi. Ni vaꞌa ni ndítaxi ndo ya ndaꞌa Ndioxi. Sundi köo íkan ndo ya ndaa ta ni köo kúꞌvi ini ndo xíni ndo Ndioxi. Ya yóꞌó ka kua ndee ni xíniñuꞌu ndo xaa súvi ndo, ni táxi va ndo ñaꞌa ndo ndaꞌa Ndioxi.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

Los Hechos 1:1

Tata Teófilo, tutu yóꞌó ku ya uvi tíꞌvi i xaa ndaꞌa un. Ta nuu tutu ya ta̱a núnu̱ú i, nuu ya ikán kua ndi̱kaꞌan ndiꞌi i xiꞌin un xaꞌa ya i̱kan Jesús ñuu ivi yóꞌó xiꞌin ya si̱naꞌa ra tá sikan xaꞌa,

ROMANOS 3:8

Saa tu tá ndá naꞌa káꞌan: Vaꞌa, ná ikan ka yo ya väꞌa, saa niꞌi ni yo ya vaꞌa, káchi na. Káꞌan ni naꞌa xaꞌa nde ya si̱naꞌa nde na kaꞌan vata na, ta süvi ya ndaa kua káꞌan na xaꞌa nde, ya siki ku ya. Chi nda iin ichí köo ndi̱sinaꞌa nde na saa. Ta naꞌa na káꞌan saa, ta sindoꞌo ni Ndioxi na.

ROMANOS 6:1

Ta, ¿unkua ikan yo vitin? ¿Án vaꞌa ikan ni ka yo ya väꞌa, ta saa ikan ni Ndioxi ya vaꞌa xiꞌin yo, xaa kaꞌnu ini ra xaꞌa ndiꞌi kuachi íkan yo?

ROMANOS 6:15

Ta vitin, ¿Án vaꞌa ikan ka ndo ya väꞌa? Chi köo íyo ka ndo tixin ley, sundi vitin ta ya xáꞌnda chiñu nuu ndo ku ya vaꞌa, ya kúꞌvi ni ini Ndioxi xíni ra ndóꞌo̱. Ta xaꞌa ya ñaa, ta ¿án vaꞌa ikan ni ka ndo ya väꞌa? ¡Nda loꞌo köo xíniñuꞌu ka ndo ikan ndo saa!

1 Timoteo 6:11

Sundi yóꞌo̱, ñani yo Timoteo, ta ïkan un saa, vaꞌa kuxika un nuu ya ñaa chi ra xáa chiñu nuu Ndioxi kúu un, ta xaꞌa ni un ndee ya ikan un ndisaa ya vaꞌa, ya ndaa kúni Ndioxi saa kundaa ni ini un kuni un ra, ta kuꞌvi ni ini un kuni un naꞌa, ta xaꞌa ndee ini un xiꞌin ndiꞌi ndá ka tindoꞌo ya vaxi nuu un, vií koo un xiꞌin ndiꞌi na.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

1 Pedro 5:4

Saa chi tá ná ndiko koo Tata yo Jesucristo, ra ndáa yoo, ra chee nuu yo, ra íyo tá íyo nda ndáa levo, ta saa kua niꞌi yo iin corona ya ndee ni luvi ta nda iin ichí ndïꞌi xaꞌa ya.

1 Juan 3:4

Ta ndiꞌi na íkan ya väꞌa ta yáꞌa tu na ikán va nuu ley Ndioxi. Chi na kuakiꞌvi kuachi xiꞌin ra ta yáꞌa na nuu ley ra.

El Apocalipsis 2:20

Ta saa ni íyo kuachi ndo nuu i, chi xíto ndo ya väꞌa íkan iin ñaꞌa yá vata ítaꞌan xiꞌin ndo, ta köo káꞌan ndo xiꞌin yá. Chi káꞌan yá kúu yá, yá káꞌan ndoso tuꞌun yuꞌu Ndioxi, saa sínaꞌa yá tuꞌun ra, káchi yá, ta süvi ya ndaa ku ya káꞌan yá. Yá síndaꞌvi naꞌa va ku yá. Tá kuꞌva si̱ndaꞌvi yá Jezabel naꞌa, na xa̱a chiñu nuu i xinaꞌa, kuꞌva saa síndaꞌvi yá ñaa naꞌa, na xáa chiñu nuu i vitin. Saa chi táa si̱í yá nda taa ya koo tani nda, ta saa íkan tu yá xiꞌin ná síꞌi va. Ta saa táa si̱í yá na ndíkun yeꞌe ya kuxi na ñaꞌa ya síniꞌi naꞌa nuu ndioxi na ya ndíi án naꞌna ya káꞌan na xiꞌin kúu ndioxi na.