San Mateo 5:17 - Xochapa Mixteco

¹⁷ Saa ndi̱kaꞌan tuku Jesús, káchi ra saa: ―Ndïkani ini ndo ya vaxi i sindiꞌi xaꞌa i ley Ndioxi, án tuꞌun ra ya ta̱a nda ndi̱kaꞌan ndoso tuꞌun yuꞌu Ndioxi xinaꞌa. Växi i sindiꞌi xaꞌa i ya, chi ya vaxi i sixinu ka va i ku tuꞌun ya ndi̱kaꞌan Ndioxi.

San Mateo 5:17 Mawu Ofanana

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Mateo 7:12

’Yakan tá kuꞌva kúni ndo ikan naꞌa ya vaꞌa xiꞌin ndo, saa xíniñuꞌu ndo ikan ndo ya vaꞌa xiꞌin na. Saa kua xáa súvi ndo ley ya ta̱a ra Moisés xiꞌin nda profeta xinaꞌa ―káchi Jesús xiꞌin na.

San Lucas 16:17

’Ta kúni i ná kundaa ini ndo, vani ndiꞌi xaꞌa ñuu ivi yóꞌó xiꞌin ndivi, sundi ley Ndioxi ya xa íyo xinaꞌa, ta nda iin kivi ndïꞌi xaꞌa ya ―káchi Jesús.

San Juan 8:5

Ta ley Ndioxi ya ta̱a ra Moisés káchi ya saa: Ndiꞌi na íkan saa ta nduxa kaꞌni yo na xiꞌin yu̱ú. Ta ¿unkua káchi yóꞌo̱? ―káchi nda xiꞌin Jesús.

Los Hechos 18:13

Ta̱xi na kuachi ndaꞌa na xaꞌa ra, káchi na saa: ―Ra xíka sáka xiní naꞌa ya ná käñuꞌu na Ndioxi tá kuꞌva káꞌan ley nde ku ra ―káchi na xiꞌin ra.

Los Hechos 21:28

ndee ka vi káꞌan nda, káchi nda saa: ―Na taꞌan yo na Israel, chindee taꞌan ndo xiꞌin nde ná tiin yo ra yóꞌó, chi ra yóꞌó ku ra xíka ndiꞌi saa ñaꞌñu táa sii ra naꞌa kánaꞌa na xaꞌa yo tin xaꞌa veꞌe ñuꞌu yo. Saa káꞌan tu ra xiꞌin na ya ná kändixa na ya ta̱a ra Moisés. Ta vitin xa̱a ra xáa kini ra veꞌe ñuꞌu yo chi ta̱an ra nda griego ini ya ―káchi nda ikán xaꞌa ra Pablo.

Los Hechos 6:13

Ta saa ndu̱ku síin tu nda testigo siki ndi̱xaa nda nuu na chiñu káꞌan nda: ―Xi̱ni tu ndeꞌe va kánaꞌa ni ra xaꞌa veꞌe ñuꞌu kaꞌnu yo ya i̱í, ta kánaꞌa ni tu ra xaꞌa ley Ndioxi ya ta̱a ra Moisés va.

ROMANOS 10:4

Sundi ley Ndioxi ya xa̱ꞌnda chiñu ra nuu na Israel xinaꞌa ta si̱xinu Jesucristo ya, yakan ndiꞌi naꞌa na kándixa Jesucristo, ta Ndioxi ndása vaꞌa ra na, ndúu na naꞌa, na köo ka kuachi kúu mií nuu ra.

ROMANOS 3:31

Tá kándixa yo Jesucristo ta ¿án xaꞌa ya ikán kua síndiꞌi xaꞌa yo ya káꞌan ley Ndioxi ya ta̱a ra Moisés? Uꞌun, süvi saa íyo ya, köo káꞌan i saa xiꞌin ndo. Chi tá kándixa yo Jesucristo, ta ya ikán kua ndixa xáa súvi ka yo ley Ndioxi ya ta̱a na xinaꞌa.

ROMANOS 8:4

Ndiꞌi ya yóꞌó i̱kan Ndioxi xaꞌa yo ya kuchiñu nduu yo naꞌa, na vaꞌa nuu ra, tá kuꞌva káꞌan ley ra. Ta vitin ndu̱u yo naꞌa, na köo íkan ka ndisaa ya kúni mií ikin kuñu yo, chi ndixa ndíkun yo ichí nuu xáa súvi yo ya vaꞌa, ya kúni Tachi I̱í Ndioxi.