San Mateo 5:15 - Xochapa Mixteco

¹⁵ Ni na túun ñu̱ꞌu̱, ta köo chíkaa sěꞌe na ya ini iin ñaꞌa. Sundi chínuu sukun na ya, saa síndiyeꞌe ya nuu ndiꞌi na ndóo ini veꞌe.

San Mateo 5:15 Mawu Ofanana

San Marcos 4:21

Saa ndi̱kaꞌan Jesús inka tuꞌun ndíchi xiꞌin na, káchi ra saa: ―Ni na ndítuun ñu̱ꞌu̱, ta köo ndíkasi na nuu ya xiꞌin ñaꞌa ni köo chíkaa sěꞌe na ya tixin xito. Sundi chínuu sukun na ya, ya síndiyeꞌe ya ndiꞌi ini veꞌe.

San Lucas 11:33

Saa ndi̱kaꞌan ka Jesús xiꞌin na, káchi ra saa: ―Nda iin na ndíkaꞌmi ñu̱ꞌu̱ ta köo chíkaa sêꞌe na ya, ni köo ndíkasi na nuu ya xiꞌin yaxin, sundi chínuu sukun na ya, ya ná sindiyeꞌe ya nuu ndiꞌi na kuakiꞌvi ini veꞌe.

San Lucas 11:36

Saa chi tá tu xíka un nuu yéꞌe̱ ta yéꞌe̱ ndiꞌi ni kúu ikin kuñu un köo ka ya naá ini un. Tá káa ñu̱ꞌu̱ túun na ta iin síndiyeꞌe ndaa ndiꞌi ya ini veꞌe saa káa ini un ―káchi xiꞌin na.

San Lucas 8:16

Ta saa ndi̱kaꞌan ka Jesús, káchi ra saa: ―Nda iin na ndítuun ñu̱ꞌu̱ ta köo ndi̱kasi na nuu ya xiꞌin yaxin, ni köo chíkaa na ya tixin xi̱to. Sundi chínuu na ya nuu sukun ya síndiyeꞌe ya ndiꞌi ini veꞌe.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

HEBREOS 9:2

Ta soꞌva ndi̱xiyo veꞌe ñuꞌu ikán: Ya núnu̱ú ndi̱xiyo ku Cuarto ya náni Cuarto I̱í, ta ikán xi̱ndichi kàà ya náni candelero nuu xíxi ñu̱ꞌu̱, ta saa xi̱ndichi mesa nuu ndóso xita vaꞌa ya sóko nda sutu nuu Ndioxi.

El Apocalipsis 2:5

Yakan xíniñuꞌu ndo ndikaꞌán ini ndo ndá kuꞌva ndi̱xiyo ndo tá yachi, tá sikan xa̱á ndo kándixa ndo yeꞌe. Ta nduku ndo kuꞌva ya kuchiñu ndo kuꞌvi tuku ini ndo kuni ndo yeꞌe, tá kuꞌva ku̱ꞌvi ni ini ndo xi̱ni ndo yeꞌe tá núnu̱ú. Chi tá tu ná ïkan ndo saa, ta xaa i nditaꞌan i ndóꞌo̱, saa sikutaꞌa i kàà ndo nuu ndíchi ya xíxi ñu̱ꞌu̱ ini ya.