San Mateo 5:11 - Xochapa Mixteco

¹¹ ’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Mateo 5:11 Mawu Ofanana

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 10:39

Tá ndá naꞌa kúni sikaku mií, ta na ndáñuꞌu va ku na, tá ndá naꞌa síndiꞌi xaꞌa mií ya ndíkun na yeꞌe, na ñaa ku na kuchiñu kaku ―káchi Jesús.

San Mateo 19:29

Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

San Mateo 24:9

’Ta kivi ikán tiin na ndóꞌo̱ kuꞌun ndo xiꞌin na, ta nditaxi na ndóꞌo̱ ndaꞌa na chiñu ya xaa nduvaꞌa ni na xiꞌin ndo, ta kaꞌni na sava ndo. Ta ndiꞌi naꞌa kundasi nuu na kuni na ndóꞌo̱ xaꞌa ya ndíkun ndo yeꞌe.

San Mateo 27:39

Ñaa yáꞌa naꞌa kuaꞌan na ta kánaꞌa na xiꞌin ra, síkuiko xiní na,

San Marcos 13:13

Ndiꞌi ni kúu na kundasi nuu na kuni na ndóꞌo̱ xaꞌa ya ndíkun ndo yeꞌe. Ta ndiꞌi ndo köo síndoo ndo ichí i, ndíkun vaꞌa ndo ya nda nuu sindiꞌi ya tixuꞌvi ndo ñuu ivi yóꞌó. Saa sikaku Ndioxi ndóꞌo̱ kutaku ndo ndiꞌi saa kivi ya vaxi.

San Marcos 13:9

’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.

San Marcos 4:17

sundi xaꞌa ya täꞌan tiin vaꞌa ya nima na loꞌo ni kúndaa ini na xiꞌin ya, saa vaxi tindoꞌo nuu na, tíxuꞌvi ni na xaꞌa tuꞌun Ndioxi. Ñaa xa̱á na ndíko koo ini na ta köo xíin ka na kandixa na ya.

San Marcos 8:35

Saa chi ndiꞌi na kúni sikaku mií, ta küchiñu na sikaku na mií na, ndiꞌi xaꞌa va na. Sundi na xíꞌi xaꞌa ya vaxi na sata i xiꞌin xaꞌa tuꞌun vaꞌa xaꞌa Ndioxi, ta küvi na chi vaxi na sata i ya sikaku i na.

San Lucas 21:12

’Sundi xiꞌna ndoꞌo ni ndóꞌo̱, saa yaꞌa ya ñaa. Xaa nduvaꞌa ni na xiꞌin ndo. Taxi na kuachi xaꞌa ndo nuu na naꞌnu veꞌe ñuꞌu sinagoga, taan na ndóꞌo̱ veꞌe kàà tin taxi na kuachi xaꞌa ndo kuꞌun ndo nuu na veꞌe chiñu án nuu nda rey. Xaꞌa ya ndíkun ndo sata i kua ikan na saa xiꞌin ndo.

San Lucas 21:17

Kundasi ni nuu na kuni na ndóꞌo̱, xaꞌa ya ndíkun ndo yeꞌe.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Lucas 9:24

Saa chi ndiꞌi na kúni sikaku mií ta küchiñu na kaku na, na síndañuꞌu mií na va ku na. Sundi na síndiꞌi xaꞌa mií ya vaxi na sata i, ta ndïꞌi xaꞌa na chi vaxi na sata i ya sikaku i na.

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 9:28

Saa ndi̱kanaꞌa nda xiꞌin ra, káchi nda saa: ―Mií un ku un ndíkun ñaꞌa, sundi ndeꞌe ta ra Moisés va ku ra ndíkun nde.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

ROMANOS 8:36

Nda tuꞌun Ndioxi ya ta̱a na xinaꞌa, káchi ya saa: Xaꞌa ya kándixa nde yóꞌo̱, Iva yo Ndioxi, ta kúni na kaꞌni na ndeꞌe ndiꞌi saa kivi. Íkan na saa xiꞌin nde tá kuꞌva íkan na xiꞌin iin kiti levo loꞌo, tá ku̱aꞌan ri nuu kuvi ri, káchi tuꞌun Ndioxi.

1 Corintios 4:10

Xaꞌa ya ndíkun nde Jesucristo, ta ni köo ndáa yaꞌvi nde nuu naꞌa, tá íin nde kíꞌvi va, saa íin nde nuu na. Ta ndóꞌo̱, ta xaꞌa ya ndíkun ndo Jesucristo ta tá íin naꞌa, na ndíchi ni va saa ndu̱u ndo. Ta ndeꞌe, ta vita ni va kúni nde ta mií ka va ndo ku ndo ndu̱ndee ni ka nuu nde, túvi ndo. Vaꞌa ni va káꞌan naꞌa xaꞌa ndo, xáa toꞌo ni na ndóꞌo̱, ta ndeꞌe, ta kúndasi nuu va na xíni na ndeꞌe.

2 Corintios 4:11

Ta ndeꞌe táku nde, ta ndiꞌi saa ichí xíka ìyo ni nde nuu ya kuvi nde xaꞌa Jesús. Íkan nde saa ya ná kuni naꞌa ya táku ra xiꞌin nde, vani ya ndíꞌi xaꞌa ku ikin kuñu nde.

Filipenses 1:29

Ta mií Ndioxi ku ra chi̱kaa ya vaꞌa ndóꞌo̱ ya kandixa ndo Cristo xiꞌin ya ndoꞌo ni ndo xaꞌa ra.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

1 Pedro 4:14

Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

El Apocalipsis 2:3

Ta xáꞌa ndee ndiꞌi ini ndo xaꞌa ndiꞌi ya ndóꞌo ndo, ta ndee ni ndee xáa chiñu ndo nuu i xaꞌa ya kúꞌvi ni ini ndo xíni ndo yeꞌe. Vani ndóꞌo ni ndo, ta köo ndíko koo ini ndo xaꞌa ya ndíkun ndo yeꞌe.